কোভিড যুঁজ : স্পুটনিক-ভি হ’ব ভাৰতৰ নতুন অস্ত্ৰ!

নতুন দিল্লী : ভাৰতত ক’ভিড পৰিস্থিতিয়ে ক্ৰমাৎ গুৰুতৰ ৰূপ ধাৰণ কৰিছে। টিকাকৰণকে একমাত্ৰ ভৰসা কৰি দেশ আগবাঢ়িছে যদিও প্ৰতিষেধকৰ নাটনিও এই যুঁজত এক বাধা হিচাপে ঠিক দিছে। কিন্তু বাধা আঁতৰোৱাৰ দিশত ভাৰতৰ আন এখন বন্ধু ৰাষ্ট্ৰই যোগাইছে যোগ্য সহযোগিতা। দেশত তৃতীয় পৰ্যায়ৰ টিকাকৰণ চলি থকাৰ সময়তে ভাৰতলৈ আহিছে ৰাছিয়াত নিৰ্মিত কোভিড প্ৰতিষেধক ‘স্পুটনিক-ভি’।

আৰু পঢ়িব পাৰিব : অজয়-টাবুৰ দৃশ্যম-২ক লৈ অনিশ্চয়তা, কিন্তু কিয়?

১ মেত ইয়াৰ প্ৰথমটো ভাণ্ডাৰ দেশলৈ আহিছিল আৰু এতিয়া অহা দুদিনৰ ভিতৰত ভাৰতৰ সহযোগী ৰাষ্ট্ৰখনে ডেৰ লাখ পালি প্ৰতিষেধক ভাৰতলৈ প্ৰেৰণ কৰিব। আনহাতে আন তিনি নিযুত পালি প্ৰতিষেধক ‘স্পুটনিক-ভি’ৰ ভাৰতীয় সহযোগী হায়দৰাবাদত থকা ডাঃ ৰেড্ডিজ লেবৰেটৰীলৈ পঠিয়াবলৈ সাজু কৰা হৈছে। এই প্ৰতিষেধকখিনি এই মাহৰ শেষভাগত ভাৰত পাবহি।

আৰু পঢ়িব পাৰিব : সুখবৰ : ৭ মে’ৰপৰা সকলোৰে বাবে সুলভ হ’ব প্ৰতিষেধক

ৰাছিয়ান প্ৰতিষেধক নিৰ্মাণকাৰী প্ৰতিষ্ঠান ‘স্পুটনিক-ভি’এ অহা মাহত পাঁচ নিযুতলৈ প্ৰতিষেধকৰ উৎপাদন বৃদ্ধি কৰাৰ সিদ্ধান্ত লৈছে। আনহাতে জুলাই মাহলৈ ইয়াৰ উৎপাদন বৃদ্ধি হ’ব ১০ নিযুতলৈ। নতুন দিল্লী আৰু মস্কোৰ ৰাষ্ট্ৰদূতে প্ৰকাশ কৰা মতে, ৰাছিয়াই ভাৰতলৈ কমেও চাৰিখন মজলীয়া আকাৰৰ অক্সিজেন প্ৰস্তুতকাৰী ট্ৰাক প্ৰেৰণ কৰিব যাৰ জৰিয়তে এখন ২০০বিছনাযু্ক্ত হাস্পতালৰ প্ৰোজন পূৰণ কৰিব পাৰিব।