কৃষকৰ আন্দোলনত হিংসা বিয়পোৱা অভিনেতাক গ্ৰেপ্তাৰ

নতুন দিল্লী : অৱশেষত আৰক্ষীৰ জালত পৰিল পাঞ্জাৱী অভিনেতা দীপ সিদ্ধু৷ গণতন্ত্ৰ দিৱসৰ দিনা দিল্লীৰ ‘ৰেড ফৰ্ট কমপ্লেস্ক’ত হোৱা কৃষকৰ আন্দোলনৰ হিংসাত্মক কাৰ্যত উচতনি দিয়াৰ অভিযোগত গ্ৰেপ্তাৰ কৰা হয় সিদ্ধুক৷

আৰু পঢ়িব পাৰিব : ক’ৰ পৰা উদ্ধাৰ কৰিবলৈ সক্ষম হ’ল অত্যাধুনিক অস্ত্ৰ ?

দিল্লী আৰক্ষীৰ বিশেষ গোটে গ্ৰেপ্তাৰ কৰিলে সিদ্ধুক৷ গণৰাজ্য দিৱসৰ হিংসাত্মক ঘটনাৰ পাছৰে আত্মগোপন কৰিছিল সিদ্ধুৱে৷ পলাতক দীপ সিদ্ধু আৰু তিনি অভিযুক্ত বিচাৰি আৰক্ষীয়ে ঘোষণা কৰিছিল এক লাখ টকাৰ পুৰস্কাৰ৷

আৰু পঢ়িব পাৰিব : ভয়ংকৰ দুৰ্ঘটনাত থিতাতে নিহত ৩জন, চিনাক্ত হোৱা নাই মৃতদেহ…

কৃষি আইনৰ বিৰোধিতাৰে দেশৰ বিভিন্ন ৰাজ্যৰ কৃষক প্ৰতিনিধিয়ে ট্ৰেক্টৰ ৰেলী উলিয়াইছিল৷ সেই ৰেলীতে কৃষকক হিংসা বিয়পোৱাত উচতাইছিল দীপ সিদ্ধুৱে৷ যাৰ ফলশ্ৰুতিত কৃষক-আৰক্ষীৰ মাজত হতাহতি হোৱাৰ লগতে বহুকেইজন লোক আহত হয়৷ লগতে ট্ৰেক্টৰ বাগৰি নিহত হয় এজন কৃষক৷