আজি দৃশ্যমান হ'ব পূর্ণ চন্দ্রগ্রহণ; জানো আহক কেনেদৰে প্ৰত্যক্ষ কৰিব

ডিজিটেল ডেস্কঃ আজি নিশা হ'বলগীয়া পূর্ণ চন্দ্ৰগ্ৰহণ ইউৰোপ, অস্ট্রেলিয়া আৰু আফ্রিকাকে ধৰি এছিয়া মহাদেশৰ অন্যান্য অঞ্চলৰ লগতে সমগ্ৰ ভাৰতবৰ্ষৰ পৰাও দৃশ্যমান হ'ব। 

অসম তথা উত্তৰ-পূৰ্বাঞ্চলৰ পৰাও দৃশ্যমান হ'বলগীয়া এই চন্দ্ৰগ্ৰহণৰ আংশিক গ্রহণ আৰম্ভ হ'ব আজি নিশা ৯-৫৭ বজাত, যিয়ে পূৰ্ণগ্ৰহণৰ ৰূপ পাব নিশা ১১ বজাত আৰু এই পূর্ণ চন্দ্রগ্রহণ ৮ ছেপ্টেম্বৰৰ নিশা ১২-২২ বজালৈ বর্তি থাকিব। এই চন্দ্ৰগ্ৰহণৰ আংশিক ৰূপৰ পৰিসমাপ্তি ঘটিব ৮ ছেপ্টেম্বৰৰ নিশা ১-২৬ বজাত। 

পূৰ্ণ চন্দ্ৰগ্ৰহণৰ সৰ্বমুঠ পর্যায় হ'ব প্রায় ১ ঘণ্টা ২২ মিনিট। এই পূর্ণ চন্দ্রগ্রহণ এটা সম্পূর্ণ প্রাকৃতিক পৰিঘটনা, যিটো নিৰীক্ষণৰ বাবে সমগ্র বিশ্বৰ বিজ্ঞানীসকলে অধীৰ আগ্ৰহেৰে বাট চাই আছে। গ্ৰহণৰ সময়ত পৃথিৱীৰ বায়ুমণ্ডলৰ মাজেৰে একমাত্ৰ ৰঙা পোহৰখিনিহে প্রতিসৰিত হৈ চন্দ্ৰপৃষ্ঠত পৰে আৰু অন্যান্য ৰশ্মিসমূহ বিচ্ছুৰিত হৈ অন্য দিশলৈ গতি কৰে বাবে চন্দ্ৰপৃষ্ঠভাগ তাম বৰণীয়া ৰঙচুৱা হোৱা যেন দেখা যায়। সূৰ্যগ্ৰহণৰ বিপৰীতে চন্দ্ৰগ্ৰহণৰ পৰিঘটনা খালী চকুৰেই নিৰীক্ষণ কৰাটো সম্পূৰ্ণ নিৰাপদ।

উৎসঃ দৈনিক জনমভূমি