ডিজিটেল ডেস্কঃ ‘লাডলী বেহেনা’ আঁচনি ঘোষণাৰ মাজতে ভোটগ্ৰহণমুখী মহাৰাষ্ট্ৰত আন এক ডাঙৰ ঘোষণা। শিন্দে চৰকাৰে এই বুলি ঘোষণা কৰিছে যে মহিলাৰ উপৰি চৰকাৰে প্ৰতিমাহে পুৰুষকো আৰ্থিক সাহায্য প্ৰদান কৰিব। মুখ্যমন্ত্ৰী একনাথ শিণ্ডেই এই ঘোষণা কৰে। পুৰুষৰ বাবে মুকলি কৰা এই প্ৰকল্পৰ নাম 'লাডলা ভাই যোজনা' ৰখা হৈছে।
য’ত স্নাতক উত্তীৰ্ণ ছাত্ৰক প্ৰতিমাহে ১০ হাজাৰ টকা দিয়া হ’ব।আছাৰী একাদশী উপলক্ষে মুখ্যমন্ত্ৰী একনাথ শিন্দেই পূব মহাৰাষ্ট্ৰৰ বিত্তল মন্দিৰত পূজা-অৰ্চনা কৰে। শিৱসেনাৰ নেতাগৰাকীয়ে এখন সভাতো অংশগ্ৰহণ কৰে । সেই সভাতেই তেওঁ ঘোষণা কৰে যে মহাৰাষ্ট্ৰ চৰকাৰে ল’ৰাৰ বাবেও নতুন আঁচনি আৰম্ভ কৰিবলৈ ওলাইছে। এই আঁচনিখনত দ্বাদশ শ্ৰেণী উত্তীৰ্ণ প্ৰতিজন যুৱকক প্ৰতিমাহে ৬ হাজাৰ টকা ভাট্টা প্ৰদান কৰা হ’ব। ডিপ্লমা কৰা সকলে মাহে ৮০০০ টকা আৰু প্ৰতিজন স্নাতক যুৱকক ১০ হাজাৰ টকা দিব।
অৱশ্যে মহাৰাষ্ট্ৰৰ প্ৰাক্তন মুখ্যমন্ত্ৰী উদ্ধৱ থাকৰেই ইতিমধ্যে মহাৰাষ্ট্ৰৰ ‘লাডলী বেহেনা’ প্ৰকল্পক লৈ প্ৰশ্ন উত্থাপন কৰিছে। কেৱল মহিলাসকলক আৰ্থিক সাহায্য প্ৰদানৰ সন্দৰ্ভত তেওঁ কৈ আহিছে যে এই আঁচনি কেৱল মহাৰাষ্ট্ৰৰ নিবনুৱা যুৱক-যুৱতীসকলক দিয়া উচিত। কাৰণ আজিকালি কৰ্মক্ষেত্ৰত পুৰুষ-মহিলাৰ কোনো পাৰ্থক্য দেখা নাযায়। ফলত মহিলাসকলে পালে পুৰুষেও পাব লাগে। এই প্ৰকল্পত তৃতীয় লিংগকো অন্তৰ্ভুক্ত কৰিবলৈ দাবী জনায় থাকৰেই।এনে দাবীৰ মাজতে শিন্দে চৰকাৰে পুৰুষৰ বাবেও আৰ্থিক সাহায্যৰ কথা ঘোষণা কৰে।
Continue Reading
