ডিজিটেল ডেস্ক : ইলন মাস্কৰ মহাকাশ অভিযান স্পেছএক্সৰ মহাকাশযান ষ্টাৰশ্বিপক বৃহস্পতিবাৰে মহাকাশলৈ উৎক্ষেপণৰ কেইবা মিনিটৰ পাছতেই যান্ত্রিক বিজুতি ঘটি বিকল হৈ পৰে আৰু বিস্ফোৰিত হৈ খণ্ড খণ্ডকৈ তললৈ পৰি যায়। ছাউথ ফ্লৰিজ আৰু বাহামাছৰ আকাশত বিস্ফোৰণৰ পাছত মহাকাশযান ষ্টাৰশ্বিপৰ স্ফুলিংগ সিঁচৰতি হৈ পৰে।
আমেৰিকাৰ যুক্তৰাষ্ট্ৰীয় বিমান পৰিবহণ প্রশাসনে মিয়ামি, ফর্ট লডাৰডালে, পাম বীচ্চ আৰু অৰলেণ্ডৰ বিমান বন্দৰত বৃহস্পতিবাৰে সন্ধিয়া ৮ বজা পর্যন্ত মহাকাশযানখনৰ ধ্বংসাৱশেষৰ বাবে স্বাভাৱিক জীৱন-যাত্ৰা বন্ধ কৰি দিয়ে। ষ্টাৰশ্বিপ মহাকাশ যানখনৰ মহাকাশলৈ উৎক্ষেপণ কৰাৰ অভিযানৰ পোনপটীয়া দৃশ্য সম্প্ৰচাৰ হৈ থকাৰ সময়তে মহাকাশযানখনে নিয়ন্ত্ৰণ হেৰুৱায় আৰু বিস্ফোৰণ হৈ খণ্ড-বিখণ্ড হৈ পৰে।
উল্লেখযোগ্য যে ইয়াৰ পূৰ্বেও ষ্টাৰশ্বিপ মহাকাশযানখন উৎক্ষেপণৰ বাবে পৰীক্ষণৰ সময়ত বিকল হৈ বিস্ফোৰণ হৈছিল আৰু ইয়াৰ ধ্বংসাৱশেষ তুৰস্ক আৰু চাইকছত পৰিছিল। প্ৰায় দুমাহৰ পাছত পুনৰ উৎক্ষেপণৰ বাবে পৰীক্ষা চলাওঁতে বৃহস্পতিবাৰে আকৌ ষ্টাৰশ্বিপখন বিকল হৈ ধ্বংস হয়।
উৎসঃ দৈনিক জনমভূমি
Continue Reading
