ডিজিটেল ডেস্কঃ এগৰাকী পুৰুষে মহিলাক অত্যন্ত ভয় কৰে। তেওঁ মহিলাক ইমানেই ভয় কৰে যে ৫৫ বছৰ ধৰি নিজকে ঘৰৰ ভিতৰত আৱদ্ধ কৰি ৰাখিছে। বৰ্তমান পুৰুষজনৰ বয়স ৭১ বছৰ। দক্ষিণ আফ্ৰিকাৰ এই মানুহজনৰ নাম কলিটক্স নজামউইতা। তেওঁ নাৰীক ইমানেই ভয় কৰে যে তেওঁলোকৰ পৰা দূৰত্ব বজাই ৰাখিবলৈ তেওঁ নিজৰ ঘৰৰ চাৰিওফালে ১৫ ফুট ওখকৈ বেৰ দি থৈছে।
বিশ্বৰ বহু মানুহে বহু বস্তু ভয় খায়। কোনো কোনোৱে পানীলৈ ভয় কৰে, কোনোবাই ধূলিক ভয় কৰে আৰু কোনোবাই জুইক ভয় কৰে আৰু কোনোবাই সাধাৰণ পোক-পৰুৱাকো ভয় কৰে। এইবোৰক ফ’বিয়া বুলি কোৱা হয়। কিন্তু কাৰোবাৰ মহিলাৰ প্ৰতি ভয় থকাৰ কথা শুনিছেনে? কলিটক্স নজামউইতাৰ মহিলাৰ প্ৰতি আছে অত্যন্ত ফ’বিয়া। যাৰ বাবে তেওঁ নিজকে ৫৫ বছৰৰো অধিক সময় ঘৰৰ ভিতৰত আৱদ্ধ কৰি ৰাখিছে, যাতে তেওঁ কোনোদিন মহিলাৰ মুখামুখি হ'বলগীয়া নহয়।
তেওঁ নাৰীক ইমানেই ভয় কৰে যে ১৬ বছৰ বয়সৰ পৰা অৰ্থাৎ ৫৫ বছৰ ধৰি নিজকে ঘৰত আবদ্ধ কৰি ৰাখিছে। আৰু মহিলাসকলে যাতে তেওঁৰ পৰা আঁতৰি থাকে তাৰ বাবে তেওঁ নিজৰ ঘৰৰ চাৰিওফালে ১৫ ফুট উচ্চতাত বেৰ লগাইছে।
এগৰাকী মহিলা চুবুৰীয়াই কয় যে "ভয়ৰ মাজতো আজি তেওঁ জীয়াই আছে কেৱল নাৰীৰ কাৰণে। তেওঁ মহিলাক ভয় কৰিলেও আমিয়েই তেওঁক খাদ্য দিওঁ। কলিটক্সে আমাক দেখিলে ভয় কৰে আৰু আমি ওচৰলৈ আহিলে ভাল নাপায় গতিকে আমি তাৰ ঘৰত বস্তু দলিয়াই দিওঁ আৰু আমি চকুৰ আঁতৰ হলেই তেওঁ আহি খাদ্যবস্তু তুলি লয়। কলিটক্সে আমাক তেওঁৰ ওচৰলৈ আহিবলৈ নিদিয়ে, কিন্তু তথাপিও আমি যি দিওঁ তেওঁ দূৰৰ পৰাই লৈ খায়।"
মহিলাগৰাকীয়ে লগতে যে যেতিয়াই কলিটক্সে নিজৰ ঘৰৰ সীমাৰ ওচৰত কোনো মহিলাক দেখে তেতিয়াই ঘৰৰ ভিতৰলৈ দৌৰি গৈ ভিতৰত সোমাই থাকে। কেলিটক্স গাইনোফ’বিয়া নামৰ মানসিক অৱস্থাত ভুগিছে বুলি ধাৰণা কৰা হৈছে। এনে অৱস্থাত এজন ব্যক্তিৰ নাৰী প্ৰতি এক অদ্ভুত ভয় থাকে।
গাইনোফ’বিয়াৰ লক্ষণসমূহৰ ভিতৰত নাৰীক দেখিলেই অত্যন্ত ভয় লাগে। এই উদ্বেগ আৰু ভয়ৰ অৱস্থাৰ বাবে এই ফ’বিয়াই দৈনন্দিন জীৱনতো যথেষ্ট অসুবিধাৰ সৃষ্টি কৰে। এই ফ’বিয়াত ভুগি থকা লোকসকলৰ পেনিক এটেক, বুকুখন টানি ধৰা, অত্যধিক ঘাম ওলোৱা, দ্ৰুত হৃদস্পন্দন আৰু উশাহ-নিশাহ লোৱাত অসুবিধা হোৱাৰ সম্ভাৱনা থাকে। আন আন লক্ষণসমূহ হ’ল পেট বেয়া হোৱা আৰু মহিলাৰ ওচৰত ৰৈ থাকিলে বা মহিলাৰ কথা ভাবিলে অজ্ঞান অনুভৱ কৰা।
Continue Reading
