অভয়াপুৰীত অলৌকিক ঘটনা! এজন যুৱকে সপোনত দেখা অনুসৰি কৃষ্ণ-ৰাধাৰ মূৰ্তি উদ্ধাৰ

ডিজিটেল ডেস্ক: অভয়াপুৰীত সংঘটিত হৈছে এক অলৌকিক ঘটনা। সপোনত দেখা অনুসৰি উদ্ধাৰ হ’ল কৃষ্ণ-ৰাধাৰ মূৰ্তি। ঘটনাৰ স্থান অভয়াপুৰীৰ দেওহাটী ভাটিপাৰা।

ৰাধা-কৃষ্ণৰ মূৰ্তি উদ্ধাৰ হোৱা পাছতে উদুলি-মুদুলি পৰিৱেশে বিৰাজ কৰিছে সমগ্ৰ অঞ্চলটোত। প্ৰভূৰ দৰ্শন পাবলৈ ভক্তৰ সমাগম।

অভয়াপুৰীৰ দেওহাটী ভাটিপাৰা গাঁৱৰ জীৱেশ্বৰ ৰায় নামৰ যুৱকজনে পঞ্চমী দৌল উৎসৱৰ দিনাৰ পৰা চাৰিটা সপোন দেখে আৰু এই সপোনৰ পম খেদি পদপাৰা বিলত প্ৰথমে এপাহ পদুম ফুলৰ কাষতে কৃষ্ণৰ মূৰ্তি লাভ কৰে যদিও হঠাৎ পদুম ফুলপাহ অদৃশ্য হৈ পৰে। পিছত মূৰ্তিটো ঘৰলৈ আনি তেওঁ পূজা-অৰ্চনা আগবঢ়ায়। 

সপোনত পোৱা প্ৰভুৰ আদেশ মতেই কালি একেটা স্থানতে ৰাধাৰ মূৰ্তিও লাভ কৰে যুৱকজনে। এই খবৰ বিয়পি পৰাত দূৰ-দূৰণিৰ পৰা ভক্তৰ আগমন ঘটে । 

যুৱকজনে কয় যে এই সেই বিলৰ পৰা কৃষ্ণ আৰু ৰাধাৰ মূৰ্তি কেনেকৈ তেওঁ উদ্ধাৰ কৰিব পাৰিলে সেয়া তেওঁ জ্ঞাত নহয়। সমগ্ৰ ঘটনা এক অলৌকিক ক্ৰিয়াৰ জৰিয়তে সম্পন্ন হয়।

প্ৰভূৰ নিৰ্দেশমতেই আজি ভাটিপাৰাৰ জগন্নাথ মন্দিৰত অঞ্চলটোৰ ৰাইজে সুঁৱেৰি উৎসৱ পালন কৰে। দূৰ দূৰণিৰ পৰা ঘটিছে ভক্তৰ আগমন। উদুলি মুদুলি হৈ পৰিছে অভয়াপুৰীৰ দেওহাটী ভাটিপাৰা।