ডিজিটেল ডেস্ক: অসমত এতিয়া বতৰৰ যথেষ্ট পৰিৱৰ্তন হৈছে। ঠায়ে ঠায়ে হৈছে প্ৰচণ্ড বৰষুণ, শিলাবৃষ্টি, ধুমুহা। ধুবুৰীতো বতৰে লৈছে কালৰূপ।
ভয়ংকৰ ঘূৰ্ণীবতাহ, শিলাবৃষ্টিত ধুবুৰীত ব্ৰহ্মপুত্ৰ নদীত যাত্ৰীবাহী নাও আবদ্ধ; দৈবক্ৰমে প্ৰাণৰক্ষা পৰে যাত্ৰীৰ।
জল পৰিবহণ বিভাগৰ নীতি নিৰ্দেশনা বহির্ভূত কৰি নিজ খেয়াল খুচি মতে নাও চলাই আছে একাংশ নাৱৰীয়াই।
দক্ষিণ শালমাৰা আৰক্ষী থানাৰ অন্তৰ্গত ভালাডোবাৰ পৰা আইৰমাৰী L&T ঘাটত বতৰৰ ভয়ংকৰ ৰূপে বুকু কঁপালে যাত্ৰীৰ।
নাওসমূহত নাই লাইফ ছেফটি জেকেট, নাই লাইফ ছেফটি ৰিং। পূৰ্বতেও এনেধৰণে বতৰে কালৰূপ ধাৰণ কৰিছিল।
একাংশ নাৱৰীয়াৰ হেমাহিৰ বাবেই বহুতে হেৰুৱাইছে ব্ৰহ্মপুত্ৰৰ বুকুত প্ৰাণ।
অনতি পলমে জল পৰিবহণ বিভাগে ইয়াৰ বিৰুদ্ধে ব্যৱস্থা গ্ৰহণ কৰাৰ দাবী উত্থাপন কৰিছে সচেতন মহলে।
Continue Reading
