ডিজিটেল ডেস্কঃ ম'ম' বহুতৰে প্ৰিয় এক খাদ্য। বিশেষকৈ যুৱচামৰ মাজত ম'ম' অতি জনপ্ৰিয়। ৰাস্তাৰ কাষৰ অভেনত ভাপত থকা কোমল ম'ম'বোৰে সকলোকে বৰ আকৰ্ষণ কৰে। টেঙা-মিঠা চাটনিৰ লগত ইয়াক পৰিবেশন কৰিলে ইয়াৰ সোৱাদ বহুত বাঢ়ি যায়। ৰেষ্টুৰেণ্টতো ম'ম'ৰ বিশেষ চাহিদা আছে। বিশেষকৈ শীতকালি ম'ম' খোৱাৰ মজাই সুকীয়া। ম'ম' খাই ভালপোৱা লোকসকলৰ বাবে এক বেয়া খবৰ আছে। দিল্লীৰ এজন ব্যক্তিয়ে ম'ম' খাই সাবটিলে মৃত্যু। এই খবৰ প্ৰকাশ ইয়াৰ পিছতে এইমছে এক পৰামৰ্শ জাৰি কৰিছে।
যদি আপুনিও ম'ম' খাবলৈ ভাল পায় তেন্তে এইমছৰ পৰামৰ্শক আওকাণ নকৰিব। এইমছে জনোৱা মতে ম'ম' খাই মৃত্যু হোৱা দিল্লীৰ ৫০ বছৰীয়া ব্যক্তিজনৰ চিকিৎসা পৰীক্ষাত দেখা গৈছে যে তেওঁৰ শ্বাস-প্ৰশ্বাস নলীত এটা ম'ম' আবদ্ধ হৈ পৰে। ম'ম'ৰ ফলত তেওঁৰ শ্বাসৰুদ্ধ হয় আৰু ইয়াৰ ফলত নিউৰ’জেনিক কাৰ্ডিয়াক এৰেষ্ট হোৱাৰ ফলত ব্যক্তিজনৰ মৃত্যু হয়। সেয়ে ম'ম'ক লৈ এইমছৰ বিশেষজ্ঞসকলে পৰামৰ্শ জাৰি কৰাৰ কথা ভাবে।
এই পৰামৰ্শত কোৱা হৈছে যে ম'ম' মসৃণ আৰু পিছল। সেয়েহে ম'ম' ভালদৰে চোবাই চোবাই খাব লাগে। যদি কোনোবাই ম'ম' ভালদৰে নোচোবাই গিলি দিয়ে তেন্তে তেওঁৰ শ্বাসৰুদ্ধ হ’ব পাৰে। গতিকে নিজৰ জীৱনৰ সুৰক্ষাৰ স্বাৰ্থত এই দিশটোৰ প্ৰতি সদায় বিশেষ যত্ন ল'বলৈ আহ্বান জনালে এমইছে।
Continue Reading
