মৃত্যুৰ কিমানদিনৰ পাছত আত্মাই পুনৰ জনম লাভ কৰে, মৃত্যুৰ পাছৰ যাত্ৰা কেনে হয়...জানো আহক

ডিজিটেল ডেস্ক : গৰুড় পুৰাণক হিন্দুধৰ্মৰ এক গুৰুত্বপূৰ্ণ শাস্ত্ৰ হিচাপে গণ্য কৰা হয়। সেইবাবেই ১৮খন মহাপুৰাণৰ ভিতৰত গৰুড় পুৰাণক বিশেষ স্থান দিয়া হয়।সাধাৰণতে ঘৰত পৰিয়ালৰ কোনো সদস্যৰ মৃত্যু হ’লে গৰুড় পুৰাণ পাঠ কৰা হয়। ভগৱান বিষ্ণুৱে তেওঁৰ বাহন গৰুড়ক জন্ম, মৃত্যু আৰু পুনৰ্জন্ম সম্পৰ্কীয় বহু গভীৰ ৰহস্যৰ কথা উল্লেখ কৰিছে। ভগৱান বিষ্ণু আৰু গৰুড় মাজত হোৱা এই কথা-বতৰাক গৰুড় পুৰাণ বুলি কোৱা হয়।

 গৰুড় পুৰাণত জন্ম, মৃত্যু, পাপ, গুণ, মোক্ষ, কৰ্ম, স্বৰ্গ আৰু নৰক, পুনৰ্জন্ম আদিৰ বিষয়ে বিতংভাৱে উল্লেখ কৰা আছে। মৃত্যুৰ পাছত গৰুড় পুৰাণ পাঠ কৰাটো কিয় প্ৰয়োজনীয় আৰু ইয়াৰ পৰা আত্মাই কি উপকাৰ লাভ কৰে সেই বিষয়েও ব্যাখ্যা কৰা হৈছে।

 * মৃত্যুৰ কিমানদিনৰ পাছত আত্মাই নতুন শৰীৰ লাভ কৰে?

গৰুড় পুৰাণৰ মতে মৃত্যুৰ পাছত আত্মাই লগে লগে নতুন শৰীৰ লাভ কৰে অৰ্থাৎ আত্মাই দ্বিতীয় জনম লয়। কিন্তু সকলো আত্মাৰ ক্ষেত্ৰত এনে নহয়। কিছুমান আত্মাই আন এটা শৰীৰ ধাৰণ কৰিবলৈ তিনিদিন বা তাতকৈ অধিক ১০-১৩দিনৰ পাছতো আত্মাৰ দ্বিতীয় জনম লয়। ইয়াৰ উপৰি একাংশ আত্মাই বিচৰণ কৰিবলগীয়া হয়। দৰাচলতে কোন বয়সত আৰু কিমানদিনৰ পাছত মৃতকৰ দ্বিতীয় জন্ম হ’ব, সেয়া নিৰ্ভৰ কৰে তেওঁৰ কৰ্ম আৰু পৰিয়ালৰ লোকে কৰা ৰীতি-নীতিৰ ওপৰত।

 পৰিয়ালৰ সদস্যৰ মৃত্যুত গৰুড় পুৰাণ শুনাটো কিয় জৰুৰী?

বিশ্বাস কৰা হয় যে আত্মা মৃত্যুৰ পাছত ১৩দিন ঘৰতে থাকে আৰু এই সময়ছোৱাত যদি ঘৰতে গৰুড় পুৰাণ পাঠ কৰা হয়, তেন্তে আত্মায়ো সেই কথাখিনি শুনা পায়।

* মৃত্যুৰ পাছত আত্মাৰ পৰৱৰ্তী যাত্ৰা কেনে হ’ব গৰুড় পুৰাণতো এই কথা উল্লেখ আছে।

* গৰুড় পুৰাণত কেৱল মৃত্যুৰ পাছত নহয় মৃত্যুৰ আগৰ পৰিস্থিতিৰ কথাও উল্লেখ আছে। গতিকে মৃতকৰ পৰিয়ালৰ লোকেও এই পুৰাণ ভালদৰে শুনা উচিত।

* গৰুড় পুৰাণ এনে এখন গ্ৰন্থ, য'ত ভক্তি, সৎকৰ্ম কৰিবলৈ অনুপ্ৰাণিত কৰা হয়। এই পুৰাণ শুনাৰ পাছত আত্মাই সঠিক পথ লাভ কৰাৰ সহায় হয়।