ডিজিটেল ডেস্ক: নিৰ্বাচন চমু চাপি অহাৰ লগে লগে বৰক্ষেত্ৰীত নিৰ্বাচনী প্ৰচাৰ তীব্ৰতৰ কৰি তুলিছে জি এম ডি এ-ৰ অধ্যক্ষ নাৰায়ণ ডেকাই।
মঙলবাৰে সমষ্টিটোৰ ৬১ নং গাঁও পঞ্চায়তৰ অন্তৰ্গত বৰবিলাত তেওঁ ৭ কোটি টকা ব্যয়সাপেক্ষ ১১ টা পথৰ আধাৰশিলা স্থাপন কৰে।
উক্ত সভাতে ডেকাই এক বিশেষ ঘোষণা কৰি কয় যে, যিটো নিৰ্বাচনী বুথৰ পৰা বিজেপিয়ে সৰ্বাধিক ভোট লাভ কৰিব, সেই নিৰ্দিষ্ট বুথটোক উন্নয়নৰ বাবে ৫ লাখ টকাৰ পুৰস্কাৰ দিয়া হ’ব। আনহাতে, একেদিনাই দাহুদি গাঁৱত আয়োজিত এক অনুষ্ঠানত প্ৰায় শতাধিক কংগ্ৰেছ কৰ্মীয়ে নাৰায়ণ ডেকাৰ উপস্থিতিত আনুষ্ঠানিকভাৱে বিজেপি দলত যোগদান কৰে।
এই যোগদান কাৰ্যসূচীত বিজেপি নেতা ৰাজু ডেকা, বুদ্ধদেৱ দাস আৰু মিন্তু দত্তকে ধৰি কেইবাজনো জ্যেষ্ঠ নেতা উপস্থিত থাকে।
Continue Reading
