ডিজিটেল ডেস্কঃ দেশত এতিয়া সকলো কথাই ভেজাল হ’ল। কেইটামান টকাৰ লোভতে বহুতে ছাত্ৰ-ছাত্ৰীৰ জীৱনকলৈ খেলিব পৰা হ’ল। নীট পৰীক্ষাৰ প্ৰশ্নকাকত ফাদিলকলৈ আজি পুনৰ উচ্চতম ন্যায়ালয়ে কেন্দ্ৰক তুলাধুনা দিয়ে।
উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচুদৰ প্ৰশ্ন, প্ৰশ্ন ফাদিল হোৱাত কেন্দ্ৰৰ অস্বস্তি বৃদ্ধি পাইছে।ইয়াৰ দ্বাৰা কিমানজন প্ৰাৰ্থী উপকৃত হৈছে? তেওঁলোকৰ বিৰুদ্ধে কি ব্যৱস্থা গ্ৰহণ কৰা হৈছে?NEET-UGৰ বাবে প্ৰতি বছৰে চিকিৎসক হোৱাৰ সপোন থকা লাখ লাখ পৰীক্ষাৰ্থীয়ে যৎপৰোনাস্তি চেষ্টা কৰে। অৱশ্যে সেই পৰীক্ষাতেই প্ৰশ্নকাকত ফাদিল হৈছে। এনে পৰিস্থিতিত পৰীক্ষা বাতিল কৰি পুনৰ পৰীক্ষা পতাৰ দাবীত উচ্চতম ন্যায়ালয়ত কেইবাখনো আবেদন দাখিল কৰা হৈছে। সেই আটাইকেইটা আবেদনৰ আজিৰ দিনটোত শুনানি গ্ৰহণ কৰা হৈছিল। প্ৰশ্নকাকত ফাদিল হোৱাৰ পিছতো কেন্দ্ৰই উচ্চতম ন্যায়ালয়ত কয় যে প্ৰশ্নকাকত বৃহৎ পৰিসৰত ফাদিল হোৱা নাই। কিছু সংখ্যকৰ হাতলৈহে প্ৰশ্নকাকত যোৱা বুলি কেন্দ্ৰই দিয়া যুক্তি উচ্চতম ন্যায়ালয়ে নাকচ কৰে আৰু কয় যে প্ৰশ্নকাকত ফাদিল হোৱাটো সঁচা কথা। সেয়া লুকুৱাবলৈ চেষ্টা কৰিব নালাগে।
Continue Reading
