ডিজিটেল ডেস্কঃ যোৱা বছৰ আমেৰিকাত অবৈধভাৱে প্ৰৱেশ কৰাৰ অপৰাধত প্ৰতি ঘণ্টাত ১০ জন ভাৰতীয়ক গ্ৰেপ্তাৰ কৰা হৈছিল। ২০২৩ চনৰ অক্টোবৰৰ পৰা ২০২৪ চনৰ ছেপ্টেম্বৰ মাহলৈকে অবৈধভাৱে দেশখনত প্ৰৱেশ কৰা লোকৰ তথ্য প্ৰকাশ কৰিছে আমেৰিকাৰ শুল্ক আৰু সীমা সুৰক্ষা বিভাগে।
এই পৰিসংখ্যা অনুসৰি যোৱা বছৰ অবৈধভাৱে সীমান্ত পাৰ হোৱাৰ অপৰাধত ২৯ লাখ লোকক গ্ৰেপ্তাৰ কৰা হৈছিল। ইয়াৰে ৯০,৪১৫ জন ভাৰতীয়। ইয়াৰে ৪৩,৭৬৪জনক আমেৰিকা-কানাডা সীমান্তৰ পৰা গ্ৰেপ্তাৰ কৰা হৈছে। ভাৰতীয় সংস্থাসমূহৰ মতে সীমান্ত পাৰ হোৱা ভাৰতীয়ৰ ৫০ শতাংশতকৈ অধিক গুজৰাটৰ।
অৱশ্যে যোৱা বছৰৰ তুলনাত এই সংখ্যা হ্ৰাস পাইছে। ২০২২-২৩ বৰ্ষত অবৈধ সীমান্ত পাৰ হোৱাৰ অপৰাধত ৯৬,৯১৭ জন ভাৰতীয়ক গ্ৰেপ্তাৰ কৰা হৈছিল। কানাডাৰ ফালৰ পৰা সীমান্ত পাৰ হোৱাৰ পৰিসংখ্যাই দেখুৱাইছে যে ভাৰতীয়সকলে এতিয়া মেক্সিকোৰ ডিংকি পথৰ পৰিৱৰ্তে কানাডাক প্ৰথম সুৰংগ হিচাপে ব্যৱহাৰ কৰিছে। আচলতে আমেৰিকাই মেক্সিকো সীমান্তত সতৰ্কতা বৃদ্ধি কৰিছে।
একেদৰে মেক্সিকোতকৈ কানাডাৰ ফালৰ পৰা সীমান্ত পাৰ হোৱাটো সহজ। কানাডালৈ ভিছা (Visa) লৈ যোৱা ভাৰতীয়সকলে তাৰ পৰা টেক্সিৰে সীমান্ত পাৰ হৈ আমেৰিকা পায়গৈ। কিন্তু শেহতীয়া বছৰবোৰত আমেৰিকাই ইয়াতো চেক পোষ্ট কঠোৰ কৰি তুলিছে। কিন্তু তথ্য অনুসৰি কানাডাৰ সীমান্তৰ পৰা গ্ৰেপ্তাৰ হোৱা ভাৰতীয়ৰ সংখ্যা সীমান্ত অতিক্ৰম কৰা ভাৰতীয়তকৈ বহু কম।
Continue Reading
