ডিজিটেল ডেস্কঃ পাকিস্তানত বৃদ্ধি পাইছে হিন্দু, শিখৰ দৰে সংখ্যালঘু সম্প্ৰদায়ৰ লোকৰ সংখ্যা। ইয়াৰ বিপৰীতে হ্ৰাস পাইছে মুছলমানৰ সংখ্যা। । শেহতীয়া লোকপিয়লৰ তথ্য অনুসৰি চুবুৰীয়া দেশখনৰ হিন্দুৰ জনসংখ্যা বৃদ্ধিৰ পাছতো পাকিস্তানৰ মুঠ জনসংখ্যাৰ অনুপাতত হিন্দুৰ সংখ্যা বহু কম হৈয়েই আছে। একে সময়তে দেশ খনত মুছলমানৰ জনসংখ্যাও সামান্য হ্ৰাস পোৱা দেখা গৈছে। যোৱা বছৰৰ লোকপিয়লৰ চৰকাৰী তথ্য অনুসৰি ২০১৭ চনত পাকিস্তানত হিন্দুৰ জনসংখ্যা ৩৫ লাখৰ পৰা ২০২৩ চনত ৩৮ লাখলৈ বৃদ্ধি পাইছে।
এতিয়া হিন্দুসকল পাকিস্তানৰ সৰ্ববৃহৎ সংখ্যালঘু সম্প্ৰদায়ত পৰিণত হৈছে।পাকিস্তানৰ মুঠ জনসংখ্যা হৈছে ২৪,০৪,৫৮,০৮৯ গৰাকী। পাকিস্তানী কাকত ড’নৰ এক প্ৰতিবেদন অনুসৰি পাকিস্তান ব্যুৰো অৱ ষ্টেটিষ্টিকছে (পিবিএছ) সপ্তম জনসংখ্যা আৰু গৃহ নিৰ্মাণৰ লোকপিয়ল ২০২৩ৰ ফলাফল প্ৰকাশ কৰিছে। ২০২৩ চনত পাকিস্তানৰ মুঠ জনসংখ্যা আছিল ২৪,০৪,৫৮,০৮৯ গৰাকী। তথ্য অনুসৰি মুঠ জনসংখ্যাত মুছলমানৰ অংশ ২০১৭ চনত ৯৬.৪৭ শতাংশৰ পৰা ২০২৩ চনত ৯৬.৩৫ শতাংশলৈ সামান্য হ্ৰাস পাইছে। একে সময়তে বিগত ছবছৰত সকলো প্ৰধান ধৰ্মীয় সংখ্যালঘুৰ জনসংখ্যা বৃদ্ধি পাইছে। কিন্তু মুঠ জনসংখ্যাৰ শতাংশ হিচাপে তেওঁলোকৰ অংশই অতি কম জনসংখ্যাৰ ছবি এখন দাঙি ধৰিছে।
২০১৭ চনত পাকিস্তানত হিন্দুৰ জনসংখ্যা আছিল ৩৫ লাখ। ২০২৩ চনত জনসংখ্যা ৩৮ লাখলৈ বৃদ্ধি পাইছে। যদিও মুঠ জনসংখ্যাৰ ভিতৰত হিন্দুৰ অংশ ১.৭৩ শতাংশৰ পৰা ১.৬১ শতাংশলৈ হ্ৰাস পাইছে, ইয়াৰ পৰা বুজা যায় যে আন সংখ্যালঘু জনগোষ্ঠীসমূহ অধিক ক্ষীপ্ৰ হাৰত বৃদ্ধি পাইছে। খ্ৰীষ্টান জনসংখ্যাও ২৬ লাখৰ পৰা ৩৩ লাখলৈ বৃদ্ধি পাইছে। মুঠ জনসংখ্যাত তেওঁলোকৰ অংশ ১.২৭ৰ পৰা ১.৩৭ শতাংশলৈ বৃদ্ধি পাইছে। মুঠ জনসংখ্যাত আহমদীৰ জনসংখ্যাও হ্ৰাস পাইছে। ২০১৭ চনত ১৯১,৭৩৭ (০.০৯ শতাংশ)ৰ তুলনাত তেওঁলোকৰ সম্প্ৰদায়ৰ সংখ্যা ০.০৭ শতাংশ হৈছে।
Continue Reading
