ডিজিটেল ডেস্ক: পুষ্পা-২ৰ প্ৰিমিয়াৰৰ সময়ত দুৰ্ঘটনাগ্ৰস্ত হৈ এগৰাকী মহিলা নিহত হোৱাৰ লগতে এটি শিশু আঘাট প্ৰাপ্ত হৈ সংকটজনক অৱস্থাত দীৰ্ঘসময় ধৰি চিকিৎসালয়ত ভৰ্তি হৈ থাকিব লগা হয়। বৰ্তামান শিশুটি সুস্থ অৱস্থালৈ অহাত এতিয়া পৰিয়ালেও স্বস্তিৰ নিশ্বাস লৈছে।শিশুটিৰ চেতনা ঘূৰি অহাৰ পাছতে আল্লু অৰ্জুনৰ পিতৃ আল্লু অৰবিন্দে আঘাট প্ৰাপ্ত শিশুটিক সাক্ষৎ কৰে।
শিশুটিক সাক্ষাৎ কৰি চলচ্চিত্ৰ নিৰ্মাতা তথা অভিনেতা আল্লু অৰ্জুনৰ পিতৃ আল্লু অৰবিন্দে কয় যে, ‘চিকিৎসকৰ সৈতে কথা পতাৰ পিছত ল’ৰাটো সুস্থ বুলি জানি বহুত আনন্দিত হৈছো বুলি উল্লেখ কৰে।
চলচ্চিত্ৰ নিৰ্মাতাগৰাকীয়ে লগতে কয় যে শিশুটি লগতে পৰিয়ালটোৰ ভৰণপোষণৰ বাবে ২ কোটি টকা প্ৰদান কৰাৰ সিদ্ধান্ত লৈছে বুলি উল্লেখ কৰে। আল্লু অৰ্জুনে এক কোটি টকা আৰু প্ৰযোজকে ৫০ লাখ টকা, পৰিচালকে ৫০ লাখ টকা। ইতিমধ্যে এই ধনৰাশি তেলেংগানা চলচ্চিত্ৰ উন্নয়ন নিগমৰ সভাপতি দিল ৰাজুক গতাই দিয়া হৈছে বুলি সদৰি কৰে।
তেলেংগানা চলচ্চিত্ৰ উন্নয়ন নিগমৰ সভাপতি দিল ৰাজুৱে এই সন্দৰ্ভত মন্তব্য দি কয় যে আজিলৈকে শিশুটিৰ অৱস্থাৰ উন্নতি হোৱা দেখা গৈছে। পুষ্পা-২ৰ নিৰ্মাতা আৰু পৰিচালক সুকুমাৰৰ সৈতে আল্লু অৰ্জুনে আগবঢ়োৱা ২ কোটি টকা শিশুটিৰ লগতে পৰিয়ালৰ সুবিধাৰ বাবে ব্যৱহাৰ কৰা হ’ব বুলি সদৰি কৰে।
কাইলৈ চলচ্চিত্ৰ জগতৰ সদস্যসকলে মুখ্যমন্ত্ৰীক সাক্ষাৎ কৰাৰ পৰিকল্পনা কৰা বুলি জানিব পৰা গৈছে। দিল ৰাজুৱে তেওঁক মুখ্যমন্ত্ৰীয়ে চলচ্চিত্ৰ উদ্যোগ আৰু চৰকাৰৰ মাজত সেতু হিচাপে কাম কৰাৰ দায়িত্ব প্ৰদান কৰিছে বুলি সদৰি কৰিছে।
প্ৰসংগক্ৰমে অনাকাংক্ষিতভাৱে সমস্যাই ঘেৰি ধৰাৰ পাছতো পুষ্পা-২ৰ বক্স অফিচৰ সফলতাই আকশ চুবলৈ সক্ষম হৈছে। ইতিমধ্যে এই ছবিখনে বহুকেইটা অভিলেখ ভংগ কৰিছে। এই পৰ্যন্ত ছবিখনে বিশ্বজুৰি ১৬০০ কোটিৰো অধিক উপাৰ্জন কৰিবলৈ সক্ষম হৈছে।
Continue Reading
