সামাজিক মাধ্যমৰ লেনদেনত চকু ৰাখিব আয়কৰে

আয়কৰ বিভাগৰ বিষয়াসকলৰ মতে, একাংশ কৰদাতাই তেওঁলোকৰ কিছুমান বিনিয়োগ বা ব্যয়ৰ তথ্য দাখিল নকৰে, কিন্তু সামাজিক মাধ্যমৰ একাউণ্টত ইয়াৰ তথ্য থাকে। নতুন আয়কৰ বিধেয়কৰ এটা প্ৰস্তাৱত আয়কৰ বিভাগৰ বিষয়াসকলক সৰ্বসাধাৰণৰ ই-মেইল, হোৱাটছএপ, ইন্‌ষ্টাগ্ৰামৰ দৰে সামাজিত মাধ্যমৰ একাউণ্টত চকু ৰখাৰ অনুমতি দিছে। 

ইয়াৰ প্রধান লক্ষ্য হ'ল ক্রিপ্ট'কাৰেন্সীত বিনিয়োগৰ তথ্য লাভ কৰা। ১৯৬১ চনৰ আয়কৰ আইনৰ স্থান ল'ব লগা এই নতুন আয়কৰ বিধেয়কখনত ডিজিটেল ক্ষেত্ৰখনত থকা তথ্যৰ সন্ধান কৰা আৰু ইয়াৰ ভিত্তিত জব্দ কৰাৰ ব্যৱস্থা লোৱা হৈছে। ইয়াৰ জৰিয়তে আয়কৰ বিভাগৰ বিষয়াসকলে ভার্চুৱেল সম্পত্তিৰ তদন্ত কৰিব পাৰিব, যদিহে তেওঁলোকে ভাৱে যে সংশ্লিষ্ট কৰদাতাই কৰযোগ আয় বা বিনিয়োগৰ তথ্য লুকুৱাই ৰাখিছে। বিশেষজ্ঞসকলৰ মতে, এই ব্যৱস্থাই ডিজিটেল অর্থব্যৱস্থাত থকা সুৰুঙাৰ সুযোগ লৈ কৰ ফাকি দিয়াতো প্ৰতিৰোধ কৰিব পাৰিব। 

উল্লেখযোগ্য যে ভাৰতত ক্রিপ্ট'কাৰেন্সীৰ লেনদেন দ্রুতগতিত বৃদ্ধি পাইছে। বর্তমান ক্রিপ্ট'কাৰেন্সীৰ জৰিয়তে হোৱা লেনদেনত ৩০% হাৰত কৰ আৰোপ কৰা হয়। সেয়েহে একাংশ লোকে এনে ধৰণৰ লেনদেনৰ তথ্য লুকুৱাই ৰাখে। প্ৰস্তাৱিত আইনখনে যুটীয়া আয়ুক্ত বা তাৰ ওপৰৰ বিষয়াসকলক প্রয়োজন সাপেক্ষে ইলেক্ট্রনিক সঁজুলি আৰু ডিজিটেল প্লেটফৰ্মৰ একছেছ কন্ট্রলক অভাৰছাইড কৰিব পাৰিব। ইয়াৰ ভিতৰত ক্লাউড ষ্ট'ৰেজ, এনক্রিপ্টেড কমিউনিকেশ্যন চেনেল আৰু ডিজিটেল এছেট এক্সছেঞ্জত চকু ৰখাও আছে। বিধেয়কখনৰ ২৪৭ ধাৰাই বিভাগৰ সংশ্লিষ্ট বিষয়াই কম্পিউটাৰ ছিষ্টেম বা ভার্চুৱেল ডিজিটেল স্পেচৰ একছেছ ক'ড অভাৰছাইড কৰাৰ অনুমতি দিয়ে। অৱশ্যে কৰ বিভাগৰ বিষয়াসকলক এই প্ৰস্তাৱিত আইনে কোনো নতুন অধিকাৰ দিয়া নাই। বর্তমান তথ্য-প্রযুক্তি আইনত

এই ব্যৱস্থা আছেই।

উৎসঃ দৈনিক জনমভূমি