লখিমপুৰঃ নাৰায়ণপুৰত সংঘটিত হৈছে শোকাৱহ ঘটনা! পৰিয়ালৰ লোকে চিকিৎসকৰ পৰামৰ্শ অবিহনে ফাৰ্মাচীৰ ঔষধ ব্যৱহাৰ কৰাৰ ফলত মৃত্যু ঘটিছে ২৫ দিনীয়া নৱজাতকৰ৷ নাৰায়ণপুৰৰ মেৰমুখত সংঘটিত হৈছে এই ঘটনা৷ দুদিন ধৰি চৰ্দি হৈ থকা সদ্যোজাত শিশুটিৰ চিকিৎসাৰ বাবে ওচৰৰে এখন ফাৰ্মাচীৰ পৰা ক্ৰয় কৰিছিল ঔষধ৷
ফাৰ্মাচীখনৰ পৰা ক্ৰয় কৰা ঔষধ সেৱন কৰাৰ পাছতে নাকেমুখে তেজ নিগৰে শিশুটিৰ৷ শিশুটিৰ পিতৃ-মাতৃ আজি নাৰায়ণপুৰ আৰক্ষীৰ কাষ চপাৰ পাছতে পুতি থোৱা অৱস্থাৰ পৰা খান্দি উলিওৱা হয় মৃত শিশুটি। স্থানীয় দণ্ডাধীশৰ উপস্থিতিত নাৰায়ণপুৰ আৰক্ষী ঘটনাস্থলীত উপস্থিত হৈ আৰম্ভ কৰিছে তদন্ত৷ ইতিমধ্যে, মৰণোত্তৰ পৰীক্ষাৰ বাবে লৈ যোৱা হৈছে শিশুটিৰ মৃতদেহ।
Continue Reading
