২৭ বছৰীয়া সাংসাৰিক যাত্ৰা অন্ত পৰাৰ দিশে! থালাপথী বিজয়ৰ পত্নীয়ে কিয় কৰিলে বিবাহ বিচ্ছেদৰ আবেদন?

ডিজিটেল ডেস্ক: দক্ষিণৰ ছুপাৰষ্টাৰ থালাপথী বিজয়ৰ বৈবাহিক জীৱনলৈ নামি আহিছে সংশয়। খবৰ অনুসৰি বিজয়ৰ পত্নী সংগীতা সোৰনালিংগমে বিবাহ বিচ্ছেদ কৰাৰ সিদ্ধান্ত লৈছে। তেওঁ ইতিমধ্যে আদালতত বিবাহ বিচ্ছেদৰ আবেদন দাখিল কৰিছে বুলি জানিব পৰা গৈছে।

সংগীতা সোৰনালিংগমে বিশেষ বিবাহ আইন, ১৯৫৪ৰ ২৭(১)(ক) ধাৰাত বিবাহ বিচ্ছেদৰ আবেদন দাখিল কৰিছে। বিশেষ বিবাহ আইন, ১৯৫৪ৰ ২৭(১)(ক) ধাৰা অনুসৰি, যিকোনো এগৰাকী পত্নীয়ে জিলা আদালতত বিবাহ বিচ্ছেদৰ আবেদন দাখিল কৰিব পাৰে। এই আবেদনৰ ভিত্তি হ’ল বিবাহৰ পিছত পত্নীৰ বাহিৰে আন কোনো মহিলাৰ সৈতে স্বামীৰ স্বেচ্ছামূলক যৌন সম্পৰ্ক। ব্যভিচাৰৰ ভিত্তিত এই বিবাহ বিচ্ছেদৰ বাবে আৱেদন জনোৱা হয়। এই বিধান স্বামী-স্ত্ৰী দুয়োপক্ষৰ ক্ষেত্ৰত সমানে প্ৰযোজ্য আৰু আইনখনৰ অন্যান্য বিধান আৰু নিয়মৰ অধীনত আবেদন দাখিল কৰা হয়।

সংগীতা এগৰাকী শ্ৰীলংকাৰ তামিল মহিলা। ১৯৯৯ চনৰ ২৫ আগষ্টত সংগীতা আৰু বিজয় বিবাহপাশত আবদ্ধ হৈছিল। তেওঁলোকৰ দুটা সন্তান আছে: এজন পুত্ৰ সঞ্জয়, এগৰাকী কন্যা দিব্যা। বিজয়ে নিজৰ ব্যক্তিগত জীৱনটো সদায় লাইমলাইটৰ পৰা আঁতৰাই ৰাখে। সংগীতাইও কেমেৰাৰ পৰা আঁতৰি থকাটো পছন্দ কৰে।

দক্ষিণৰ জনপ্ৰিয় অভিনেত্ৰী তৃষা কৃষ্ণনক বিজয়ে ডেট কৰি থকা বুলি উৰাবাতৰি বিয়পি ফুৰিছে। অৱশ্যে এই সম্পৰ্কত দুয়ো মুখ খোলা নাই। 

২০১৪ চনত বিজয়ে তেওঁৰ ৰাজনৈতিক দল তামিলাগা ভেট্ৰি কাঝাম (টিভিকে) আৰম্ভ কৰে। ২০২৬ চনৰ তামিলনাডু বিধানসভা নিৰ্বাচনৰ পূৰ্বে বিজয়ে অভিনয়ৰ পৰা অৱসৰ লোৱাৰ সিদ্ধান্ত লৈছিল। তেওঁ অভিনয়ৰ পৰা অৱসৰ লোৱাৰ কথা ঘোষণা কৰি ৰাজনীতিবিদ হিচাপে জনসাধাৰণৰ সেৱা কৰিব বিচাৰে বুলি মন্তব্য কৰিছিল।