ডিজিটেল ডেস্ক: আমেৰিকাৰ ৰাষ্ট্ৰপতি ড'নাল্ড ট্রাম্পে তিনি বছৰীয়া আমেৰিকাৰ নীতি পৰিহাৰ কৰি অতি সোনকালে ৰাছিয়া-ইউক্রেইনৰ যুদ্ধ-বিৰতিৰ বিষয়ত ৰাছিয়াৰ ৰাষ্ট্ৰপতি পুটিনৰ সৈতে আলোচনাত মিলিত হ'ব বুলি ঘোষণা কৰিছিল।
ইয়াৰ পাছত ইউক্রেইনৰ ৰাষ্ট্ৰপতি জেলেনস্কিয়ে কয় যে ৰাছিয়া-ইউক্রেইনৰ যুদ্ধৰ অন্ত পেলোৱাৰ বাবে ইউক্রেইনক জড়িত নকৰাকৈ হোৱা যিকোনো শান্তি আলোচনাৰ কোনো সিদ্ধান্ত ইউক্রেইনে মানি নলয়।
ট্রাম্পে পুটিনৰ লগত এই বিষয়ত কথা পতাটো 'বৰ সন্তোষজনক' নহয় বুলি জেলেনস্কিয়ে মন্তব্য কৰে। পুটিনৰ পৰিকল্পনা অনুসৰি সকলো হ'বলৈ দিয়া নহ'ব বুলি তেওঁ কয়। এখন স্বতন্ত্র দেশ হিচাপে ইউক্রেইনক জড়িত নকৰাকৈ কোনো চুক্তি সম্পাদন হ'লে, সেই চুক্তিখন কেনেকৈ ইউক্রেইনে মানি ল'ব বুলি জেলেনস্কিয়ে প্রশ্ন কৰে। আনহাতে, একেধৰণে কেইখনমান ইউৰোপীয় দেশেও ইউক্রেইনক জড়িত কৰি শান্তিৰ বিষয়ত আলোচনাৰ পোষকতা কৰিছিল।
উৎসঃ দৈনিক জনমভূমি
Continue Reading
