'টুলকিট' গোচৰত বেংগালুৰুৰ ২১ বছৰীয়া জলবায়ু কৰ্মীক গ্ৰেপ্তাৰ

নতুন দিল্লী: দিল্লী আৰক্ষীৰ চাইবাৰ অপৰাধ গোটে শনিবাৰে উত্তৰ বেংগালুৰুৰ ঘৰৰ পৰা ২১ বছৰীয়া জলবায়ু কৰ্মী দিশা ৰবিক গ্ৰেপ্তাৰ কৰে৷ সামাজিক মাধ্যমত কৃষি আইনৰ বিৰুদ্ধে দেশব্যাপি হোৱা কৃষকৰ প্ৰতিবাদৰ সৈতে সম্পৰ্কিত 'টুলকিট' প্ৰচাৰ কৰাত তেওঁৰ ভূমিকাৰ বাবে গ্ৰেপ্তাৰ কৰে আৰক্ষীয়ে৷

আৰু পঢ়িব পাৰিব : অন্ধ্ৰপ্ৰদেশত তীৰ্থভ্ৰমণকাৰীৰ বাছ দুৰ্ঘটনাগ্ৰস্ত: শিশুসহ ১৪ জনৰ মৃত্য়ু

ভাৰতত কৃষকসকলৰ প্ৰতিবাদৰ প্ৰতি সমৰ্থন প্ৰকাশ কৰোঁতে ছুইডেনৰ জলবায়ু কৰ্মী গ্ৰেটা থুনবাৰ্গে 'টুলকিট' টুইট কৰাৰ পাছত দিল্লী আৰক্ষীয়ে ৪ ফেব্ৰুৱাৰীত ভাৰতীয় দণ্ডবিধিৰ অধীনত ঘৃণা আৰু অপৰাধী ষড়যন্ত্ৰৰ বাবে এক এজাহাৰ পঞ্জীয়ন কৰিছিল। আৰক্ষীয়ে দাবী কৰিছে যে 'টুলকিট'ক পয়েটিক জাষ্টিছ নামৰ এটা 'খালিস্তানী গোট'ৰ দ্বাৰা একেলগ কৰা হৈছিল।

আৰু পঢ়িব পাৰিব : হাত-ভৰি বন্ধা মুমূৰ্ষু অৱস্থাত উদ্ধাৰ গাঁও পঞ্চায়তৰ সভাপতি !

দিল্লী আৰক্ষীৰ মতে, দিশা 'টুলকিট' গোচৰৰ অন্য়তম নেতৃত্ব কিয়নো তেওঁ প্ৰাৰম্ভিক জেৰাৰ সময়ত সম্পাদনাৰ কথা স্বীকাৰ কৰিছিল, 'টুলকিট'ত কিছুমান বস্তু যোগ দিছিল আৰু ইয়াক আৰু বিয়পাই দিছিল৷ এই গোচৰত অধিক লোকক গ্ৰেপ্তাৰৰ সম্ভাৱনা আছে৷