ডিজিটেল ডেস্কঃ আমেৰিকাই দাবী কৰিছে যে ভাৰতত ঘৃণামূলক ভাষণ আতংকজনকভাৱে বৃদ্ধি পাইছে। বুধবাৰে আমেৰিকাৰ বিদেশ মন্ত্ৰী এণ্টনি ব্লিংকেনে বিশ্বৰ ধৰ্মীয় স্বাধীনতা সম্পৰ্কে এক প্ৰতিবেদন প্ৰকাশ কৰে (Religious Freedom Report)। প্রতিবেদন প্রকাশ কৰি তেওঁ কয় যে ধৰ্মীয় স্বাধীনতাৰ বিষয়টো এতিয়াও সমগ্ৰ বিশ্বৰ বহু লোকে স্বীকৃতি নিদিয়ে৷ একে সময়তে ধৰ্মীয় স্বাধীনতা ৰক্ষাৰ বাবে কঠোৰ ব্যৱস্থা গ্ৰহণ কৰিব লাগে বুলিও তেওঁ কয়।
তেওঁ কয়, ‘ভাৰতত ঘৃণামূলক ভাষণ, ধৰ্মান্তৰকৰণ বিৰোধী আইন, সংখ্যালঘুৰ ঘৰ আৰু উপাসনা স্থান ভাঙি পেলোৱাৰ আতংকজনক বৃদ্ধি আমি দেখিবলৈ পাইছো। একে সময়তে বিশ্বৰ মানুহে ধৰ্মীয় স্বাধীনতা ৰক্ষাৰ বাবে কঠোৰ পৰিশ্ৰম কৰি আছে।" প্ৰতিবেদন অনুসৰি আমেৰিকাৰ শীৰ্ষ বিষয়াসকলে নতুন দিল্লীৰ সৈতে এই বিষয়সমূহৰ ওপৰত কথা পাতিছে।
প্ৰসংগক্ৰমে প্ৰায় সকলো দলৰ কেইবাজনো নেতাই লোকসভা নিৰ্বাচনী প্ৰচাৰৰ সময়ত ঘৃণামূলক ভাষণ দিয়াৰ অভিযোগ উত্থাপন হৈছে। ৰাজস্থানৰ নিৰ্বাচনী সভাত প্ৰধানমন্ত্ৰী নৰেন্দ্ৰ মোদীয়ে দিয়া মন্তব্যক লৈও বিতৰ্কৰ সৃষ্টি হয়। কংগ্ৰেছে দাবী কৰিছিল যে প্ৰধানমন্ত্ৰীয়ে পোনপটীয়াকৈ বিভাজনৰ উচটনি দিছে। কিন্তু বিজেপিয়ে এই অভিযোগ অস্বীকাৰ কৰি কংগ্ৰেছক আক্ৰমণ কৰে।
Continue Reading
