ডিজিটেল ডেস্কঃ কথমপি এক আৰ্থিক বিপদৰ পৰা বাচিল ইউকো বেংক৷নৱেম্বৰ মাহত ভুলকৈ অসংখ্য একাউণ্টত জমা হোৱা ৮২০ কোটি টকাৰ ভিতৰত ৭০৫.৩১ কোটি টকা উদ্ধাৰ কৰিছে ইউকো বেংকে।
৪১ হাজাৰ ইউচিঅ’ বেংক একাউণ্টলৈ ধন হস্তান্তৰ কৰাটো বেংকৰ আইএমপিএছ পেমেণ্ট চেনেলত হোৱা কাৰিকৰী ত্ৰুটিৰ পৰিণতিস্বৰূপে সংঘটিত হয়।
ইণ্টাৰনেট বেংকিং, মোবাইল বেংকিং এপ, এটিএম, বেংক শাখাকে ধৰি বিভিন্ন চেনেলৰ জৰিয়তে উপলব্ধ ২৪/৭ তৎক্ষণাত ঘৰুৱা পুঁজি স্থানান্তৰৰ সুবিধা আন্তঃবেংক ম’বাইল বা তাৎক্ষণিক পেমেণ্ট চিষ্টেমত এই ঘটনা সংঘটিত হয়।
ইপিনে ১৫ নৱেম্বৰত ইউকো বেংকে বেংকটোৰ দুজন সহায়ক অভিযন্তা আৰু অন্যান্য অচিনাক্ত ব্যক্তিৰ বিৰুদ্ধে কেন্দ্ৰীয় তদন্তকাৰী ব্যুৰো (চিবিআই)ত এফআইআৰ দাখিল কৰে।
ইয়াৰ পাছতে চিবিআইয়ে ৫ ডিচেম্বৰত পশ্চিম বংগ আৰু কৰ্ণাটকৰ প্ৰায় ১৩টা স্থানত অনুসন্ধান চলাই মোবাইল ফোন, লেপটপ, কম্পিউটাৰ চিষ্টেম, ইমেইল আৰ্কাইভ, ডেবিট/ক্ৰেডিট কাৰ্ডৰ দৰে ইলেক্ট্ৰনিক প্ৰমাণ উদ্ধাৰ কৰে।বিত্তীয় সেৱা খণ্ডত চাইবাৰ সুৰক্ষাৰ প্ৰত্যাহ্বানৰ প্ৰতি চৰকাৰে দিয়া সঁহাৰিৰ ওপৰত আলোকপাত কৰি উল্লেখ কৰে যে কেন্দ্ৰীয় বিত্ত মন্ত্ৰালয়ে ২৮ নৱেম্বৰত বেংক আৰু বিত্তীয় প্ৰতিষ্ঠানৰ প্ৰস্তুতিৰ মূল্যায়নৰ বাবে এখন বৈঠক অনুষ্ঠিত কৰিছিল।
Continue Reading
