১৮ৰ পৰা ৬৫ বছৰৰ ভিতৰৰ লোকে কিমান সময় ব্যায়াম আৰু যোগাসন কৰিব লাগে? জানো আহক সবিশেষ

ডিজিটেল ডেস্ক : মন আৰু দেহ উভয়কে সুস্থ কৰি ৰখাৰ বাবে নিয়মীয়া যোগাসনৰ অভ্যাস উপকাৰী। সৰুৰে পৰা শিশুৰ মাজত যোগৰ অভ্যাস গঢ়ি তুলিব লাগে। ৰক্ত সঞ্চালন বৃদ্ধি কৰাৰ সমান্তৰালভাৱে নিয়মীয়া যোগাসনে মানসিক স্বাস্থ্যৰ উন্নতি সাধন কৰে আৰু শৰীৰক বহু ৰোগৰ পৰা ৰক্ষা কৰে। ইয়াৰ উপৰি যোগাসন শাৰীৰিক ক্ষমতা আৰু ষ্টেমিনা বৃদ্ধি কৰাত সহায়ক। যোগাভ্যাসৰ ক্ৰমবৰ্ধমান ধাৰাটোৰ বাবেই মানুহে যোগাভ্যাসৰ সুফলৰ বিষয়ে জানে, কিন্তু বহু সময়ত মানুহে অনুভৱ কৰে যে অধিক যোগ কৰিলে অধিক লাভ হ’ব। যিকোনো বস্তুৰ অতি কম বা বেছি পৰিমাণে ক্ষতিকাৰক হ’ব পাৰে। বিশেষজ্ঞসকলৰ মতে বয়স অনুযায়ী সুস্থ হৈ থাকিবলৈ মাত্ৰ এটা নিৰ্দিষ্ট সময় যোগাসনৰ প্ৰয়োজন।

 ১. প্ৰতিদিনে কিমান সময় যোগাসন কৰিব লাগে-

যোগ বিশেষজ্ঞসকলৰ মতে দৈনিক মাত্ৰ ৩০ মিনিট সময় যোগাভ্যাস কৰি শৰীৰটো সুস্থ কৰি ৰাখিব পাৰি। যোগৰ ভংগিমা সাধাৰণতে যোগাভ্যাসৰ প্ৰকাৰ আৰু কেন্দ্ৰবিন্দুৰ ওপৰত নিৰ্ভৰ কৰে। যোগৰ প্ৰকাৰৰ ওপৰত নিৰ্ভৰ কৰি যোগ অনুশীলনৰ সময়সীমা নিৰ্ধাৰণ কৰা হয়। কিন্তু উশাহ-নিশাহ আৰু শাৰীৰিক যোগাসনৰ বাবে প্ৰায় ৩০ মিনিটেই যথেষ্ট।

 ২. ১৮ৰ পৰা ৬৫ বছৰ বয়সৰ লোকে কিমান সময় ব্যায়াম কৰিব লাগে-

বিগত সময়ত এনে বহু তথ্য চৰ্চালৈ আহিছে যে য’ত জিমত ৱৰ্কআউট কৰাৰ বাবে এজন ব্যক্তিৰ মৃত্যু হৈছিল। ব্যায়াম কৰিলে শৰীৰটো সুস্থ হৈ উঠিব পাৰে, কিন্তু সঠিক সময়ৰ বাবে ব্যায়াম কৰিলে উপকাৰী। বয়স অনুসৰি ৱৰ্কআউট বা ব্যায়াম কৰাৰ সময় নিৰ্ধাৰণ কৰা হয়। ১৮ৰ পৰা ৬৫ বছৰৰ ভিতৰৰ লোকে সপ্তাহত ১৫০ মিনিট ব্যায়াম কৰিব লাগে। এই বয়সৰ লোকসকলে প্ৰতি সপ্তাহত কমেও ৭৫ মিনিট ব্যায়াম কৰিব লাগে।

 ৩. ৬৫ বছৰৰ ওপৰৰ লোকৰ বাবে ব্যায়ামৰ সময়-

যদি আপোনাৰ বয়স ৬৫ বছৰৰ ওপৰত, তেন্তে আপোনাৰ শাৰীৰিক ক্ৰিয়া-কলাপৰ লগত যোগ বা নৃত্য যোগ কৰক। সপ্তাহত তিনিদিনহে ৱৰ্কআউট কৰিব লাগে। বিশেষজ্ঞৰ পৰামৰ্শ লোৱাৰ পাছতহে অধিক ব্যায়াম কৰক।

 ৪. শিশুৰ বাবে ব্যায়ামৰ মুঠ সময়সীমা-

৫ৰ পৰা ১৭ বছৰৰ ভিতৰৰ শিশু আৰু কিশোৰ-কিশোৰীসকলে দৈনিক কমেও ৬০ মিনিট ব্যায়াম কৰিব লাগে। কিশোৰ-কিশোৰীসকলে পেশী আৰু হাড় শক্তিশালী কৰা ব্যায়াম কৰিব পাৰে। ৱৰ্কআউটত দৌৰা, জম্পিং আদিও অন্তৰ্ভুক্ত কৰিব পাৰি।