ডিজিটেল ডেস্কঃ ইণ্ডিয়ান ছুপাৰ লীগ (আই এছ এল) ২০২৪-২৫ত শুকুৰবাৰে শিলচৰ জৱাহৰলাল নেহৰু ষ্টেডিয়ামত নৰ্থ ইষ্ট ইউনাইটেড এফ চিক ২-০ গ’লত পৰাস্ত কৰে বেংগালুৰু এফ চিয়ে। ব্লুজৰ গেমপ্লে’ত দক্ষ আছিল, কিয়নো তেওঁলোকে মাত্ৰ ৩৭.৩% প’ছেছনহে ৰাখিছিল যদিও লক্ষ্যত লোৱা চাৰিটা শ্বটৰ ভিতৰত দুটাকৈ গ’ল দিবলৈ তেওঁলোক সক্ষম হয়।
বৰ্তমান ২১ খন মেচত ৩৪ পইণ্টেৰে তালিকাৰ চতুৰ্থ স্থানলৈ উন্নীত হৈছে বেংগালুৰু এফ চি । আনহাতে, সমান সংখ্যক মেচত ৩২ পইণ্টেৰে পঞ্চম স্থানত আছে নৰ্থ-ইষ্ট ইউনাইটেড এফ চি ।
মেচখনত এলবাৰ্টো নেগুৱাৰাই দিয়া এটা পাছ ৰায়ান উইলিয়ামছে সুন্দৰভাৱে নৰ্থ-ইষ্ট ইউনাইটেডৰ নেটত প্ৰৱেশ কৰাই বেংগালুৰুক প্ৰাৰম্ভিক অগ্ৰগতি প্ৰদান কৰে । ঘৰুৱা দলটোৱে ১৮ মিনিটত আলায়েদ্দিন আজাৰাইৰ দ্বাৰা প্ৰত্যাক্ৰমণ কৰে কিন্তু বল গ'ল পোষ্টৰ ভিতৰলৈ মাৰি পঠিওৱাত বিফল হয় ।
আনহাতে, মেচখনৰ অন্তিম কেইমিনিটমানত বেংগালুৰু এফ চিয়ে দ্বিতীয়টো গ'ল কৰি গ'লৰ ব্যৱধান বৃদ্ধি কৰে আৰু নিশ্চিত জয়ৰ দিশে খোজ দিয়ে ।
Continue Reading
