চেম্পিয়নছ ট্রফীত আজি ভাৰত-পাকিস্তানৰ হাই ভল্টেজ মেচ

আজিৰ মেচখনত ভাৰতে ২০১৭ চনৰ চেম্পিয়ন্‌ছ ট্ৰফীৰ ফাইনেলত পৰাজিত হোৱাৰ মধুৰ প্ৰতিশোধ লোৱাৰ এক সুযোগ লাভ কৰিছে। সেইবাৰ পাকিস্তানে ভাৰতক পৰাজিত কৰিছিল। উল্লেখযোগ্য যে গ্রুপ-এত ভাৰতে নিজৰ প্ৰথমখন মেচত বাংলাদেশক পৰাজিত কৰিছিল। অৱশ্যে এই মেচখন পূৰ্বৰ দৰে বহুচৰ্চিত হোৱা নাই। ফলত আজি দুয়োটা দলে সহজভাৱে খেলপথাৰত নামিব বুলি আশা কৰা হৈছে। ভাৰতীয় দলে ডুবাইৰ পৰিৱেশৰ সৈতে ইতিমধ্যে খাপ খুৱাই লৈছে। আনহাতে পাকিস্তানে কৰাচীত নিউজিলেণ্ডৰ হাতত পৰাজিত হোৱাৰ পাছত ইয়াত উপস্থিত হৈছে। ভাৰতৰ বাবে প্রধান চিন্তাৰ বিষয় আছিল অধিনায়ক ৰোহিত শৰ্মাৰ ফৰ্ম। বাংলাদেশৰ বিৰুদ্ধে মেচখনত তেওঁ ধুমুহাৰ গতিৰে ৪১ ৰান সংগ্ৰহ কৰি ভাৰতৰ বাবে সুন্দৰ আৰম্ভণি কৰে। অৱশ্যে বিৰাট কোহলীৰ ফৰ্ম এতিয়াও চিন্তাৰ কাৰণ হৈ আছে। কালি কোহলীয়ে নিৰ্ধাৰিত সময়তকৈ এঘণ্টাৰ আগৰ পৰা বেটিং অনুশীলন আৰম্ভ কৰে। তেওঁ বিশেষকৈ স্পীনাৰৰ বলত বেটিং অনুশীলন কৰে। শুভমন গিলে বাংলাদেশৰ বিৰুদ্ধে চেঞ্চুৰী কৰি নিজৰ ফৰ্মৰ ইংগিত দি থৈছে। উদ্বোধনী মেচখনত পাকিস্তানী বলিং বিভাগে আশা কৰা মতে বলিং কৰিব পৰা নাছিল। ভাৰতীয় বেটাৰসকলে আজি পাকিস্তানী বলাৰৰ দুৰ্বলতাৰ সুযোগ লোৱাৰ চেষ্টা কৰিব। ইয়াৰ বিপৰীতে ভাৰতৰ বলাৰসকলে সুন্দৰ প্ৰদৰ্শন কৰি নিজৰ শক্তিৰ উমান দি থৈছে। আঘাতৰ পৰা সুস্থ হৈ প্ৰত্যাৱৰ্তন কৰা মহম্মদ ছামীয়ে সুন্দৰ প্ৰদৰ্শন কৰি পাঁচটা উইকেট দখল কৰিছে। হৰ্ষিত ৰাণাই তেওঁক সুন্দৰ সহযোগ কৰিছে। অলৰাউণ্ডাৰ হার্দিক পাণ্ডিয়াৰ পাকিস্তানৰ বিৰুদ্ধে প্রদর্শন ভাল। ডুবাইৰ পিটচে স্পীনাৰক সহায় কৰাৰ আশা কৰা হৈছে। ডুবাইত ভাৰত আৰু পাকিস্তানে পূর্বতে খেলা দুখন এদিনীয়াৰ দুয়োখনতে ভাৰত জয়ী হৈছে। 

উল্লেখযোগ্য যে ভাৰতে ইয়াৰ আগলৈকে ডুবাইত সাতখন মেচ খেলিছে আৰু ইয়াৰে ছয়খনত জয়ী হৈছে। এখন মেচ টাই হৈছে। আন কথাত ভাৰত এতিয়ালৈকে পৰাজিত হোৱা নাই। ইফালে জুৱাৰীৰ বজাৰত কাইলৈৰ ফেভাৰিট টীম ইণ্ডিয়া। ভাৰতৰ পক্ষে দৰ হ'ল ৪১-৪২। অৰ্থাৎ ভাৰতৰ জয়ৰ পক্ষে দহ হাজাৰ টকাৰ বাজি ধৰিলে আৰু ভাৰত জয়ী হ'লে তেওঁ ৪১ হাজাৰ টকা লাভ কৰিৱ। বর। আনহাতে পাকিস্তান জয়ী হোৱাৰ পক্ষে ৪২০০ টকাৰ বাজি ধৰিলে ১০ হাজাৰ টকা লাভ কৰিব।