ডিজিটেল ডেস্ক: ভুৱা চিম কাৰ্ডকলৈ ৰাজ্যজুৰি অভিযান অব্যাহত CIDৰ চাইবাৰ শাখাৰ। পুনৰ CIDৰ চাইবাৰ আৰক্ষীৰ জালত আন ৩ অভিযুক্ত।
মৰিগাঁও লাঘৰিঘাট,নগাঁৱৰ পৰা গ্ৰেপ্তাৰ কুখ্যাত ৩ চাইবাৰ অপৰাধী। যুৱতী-মহিলাসকলক টাৰ্গেট কৰিছিল চাইবাৰ চক্ৰটোৱে।
হস্ততাত বয়নশিল্পত প্ৰশিক্ষণ দিয়াৰ প্ৰলোভনেৰে পান কাৰ্ড, আধাৰ কাৰ্ড সংগ্ৰহ কৰে চক্ৰটোৱে।
সেই নথিপত্ৰৰে বিভিন্ন বেংকত চক্ৰটোৱে খোলে বেংক একাউণ্ট। পৰৱৰ্তী সময়ত সেই বেংক একাউণ্টসমূহ চক্ৰটোৱে যোগান ধৰে বিভিন্ন চাইবাৰ অপৰাধীক।
চাইবাৰ অপৰাধীয়ে একাউণ্টসমূহত লেনদেন কৰে প্ৰৱঞ্চনাৰে সংগ্ৰহ কৰা ধন। ইতিমধ্যে ভুৱা চিমকাৰ্ড প্ৰস্তুত কৰা চক্ৰটোৰ বিৰুদ্ধে CIDৰ চাইবাৰত ৰুজু হৈছে ১/২৬ ত গোচৰ।
বিভিন্ন প্ৰান্তত অভিযান চলাই চাইবাৰ আৰক্ষীয়ে চক্ৰটোৰ ৫ সদস্যক গ্ৰেপ্তাৰ কৰে।
পুনৰ সোমাবাৰে নিশা জেহেৰুল ইছলাম, মেহদী আলম জিন্নাহ আৰু গালীব ইজাজ আহমেদ জালত পৰে চাইবাৰ আৰক্ষীৰ।
বৰ্তমানলৈ ভুৱা চিম প্ৰস্তুত কৰা চক্ৰটোৰ ৮ সদস্য জালত পৰে আৰক্ষীৰ।
Continue Reading
