লামডিঙত পুনৰ সংঘটিত চুৰিকাণ্ড; চোৰৰ টাৰ্গেট ভগৱানৰ মন্দিৰ

ডিজিটেল ডেস্ক: লামডিঙত পুনৰ সংঘটিত হৈছে চুৰিৰ ঘটনা। লামডিঙত এইবাৰ চোৰৰ টাৰ্গেট ভগবানৰ মন্দিৰ। নিশা লামডিং নিউ কলনীত কেইবাটাও মন্দিৰত চোৰৰ অভিযান।

লামডিং নিউ কলনীত অৱস্থিত আনন্দময়ী কালী মন্দিৰ, আফাই কালী মন্দিৰত চোৰে তলা ভাঙি মন্দিৰত থকা ভগৱানৰ সোণ-ৰূপৰ অলংকাৰৰ লৈ যায় নিউ কলনীৰ আনন্দময় কালী মন্দিৰত দান পাত্ৰ ভাঙি নগদ ধন লুটি নিয়ে।

ইয়াৰ উপৰিও নিউ কলনীৰ শনি মন্দিৰ, গৌতম দাসৰ দোকান আৰু ব্ৰিক ফিল্ড কলনীৰ গণেশ মন্দিৰতো চোৰে তলা ভাঙি চুৰিৰ চেষ্টা চলোৱায় যদিও চুৰি কৰিবলৈ সক্ষম হোৱা নাই।

লামডিং আৰক্ষী তদন্ত আৰম্ভ কৰিছে যদিও একে নিশা লামডিঙত কেইবাটাও মন্দিৰত চুৰিৰ ঘটনাক লৈ অঞ্চলজুৰি চাঞ্চল্যৰ সৃষ্টি হৈছে আৰু স্থানীয় ৰাইজে আৰক্ষীক চোৰক গ্ৰেপ্তাৰ কৰি উপযুক্ত ব্যৱস্থা লোৱাৰ দাবী জনাইছে।