ডিজিটেল ডেস্ক: শ্ৰীভূমি চহৰত শোকাৱহ দুৰ্ঘটনা। বিদ্যুৎস্পৃষ্ট হৈ মৃত্যু এগৰাকী বিদ্যুৎ বিভাগৰ কৰ্মচাৰীৰ। বিদ্যুৎ পৰিবাহী তাঁৰ ঠিক কৰিবলৈ গৈ বিদ্যুতৰ সংস্পৰ্শলৈ আহি খুঁটাৰ পৰা বাগৰি পৰি মৃত্যু কৰ্মচাৰীগৰাকীৰ।
মৃত্যু হোৱা কৰ্মচাৰীগৰাকীৰ নাম লক্ষণ চক্ৰৱৰ্তী। ঘটনাৰ পিছত স্থানীয় ৰাইজে লক্ষণ চক্ৰৱৰ্তীক অসামৰিক চিকিৎসালয়লৈ লৈ আহে যদিও চিকিৎসকে লক্ষণ চক্ৰৱৰ্তীক মৃত বুলি ঘোষণা কৰে।
ঘটনাৰ খবৰ পোৱাৰ পিছতো বিভাগীয় কৰ্তৃপক্ষৰ ফালৰ পৰা কোনো লোকে খবৰ নোলোৱাৰ বাবে ক্ষোভিত হৈ পৰে পৰিয়ালৰ লোক।
মৃত লক্ষণ চক্ৰৱৰ্তীৰ ঘৰ চহৰৰ পুৰণি মিছন ৰোডত বুলি জানিব পৰা গৈছে।
Continue Reading
