দক্ষিণ শালমাৰাত তিনি দুৰ্ধৰ্ষ চোৰ হাবিবৰ, আব্দুল আৰু সাহিদুৰক চুৰি সামগ্ৰীসহ গ্ৰেপ্তাৰ

ডিজিটেল ডেস্ক: দক্ষিণ শালমাৰা–মানকাচৰ জিলাৰ দক্ষিণ শালমাৰা থানা এলেকাৰ চেবল্টাৰী অঞ্চলত দক্ষিণ শালমাৰা আৰক্ষীয়ে ধুবুৰী ফুলবাৰী দলংৰ L&T কোম্পানীৰ অভিযোগৰ ভিত্তিত অভিযান চলাই প্ৰায় ২মেট্টিক টন চুৰি লোহাৰ ৰড আৰু বৈদ্যুতিক কেবল উদ্ধাৰ কৰিবলৈ সক্ষম হয়। 

উল্লেখিত সামগ্ৰীসমূহ তিনিজন ব্যক্তিৰ চৌহদত মজুত কৰি ৰখা অৱস্থাত উদ্ধাৰ কৰা হৈছে।

হাবিবৰ ৰহমান (৬০), আব্দুল বশিত (২৬) আৰু সাহিদুৰ (২০) নামৰ তিনিটা দুৰ্ধৰ্ষ চোৰক গ্ৰেপ্তাৰ কৰে আৰক্ষীয়ে। 

তিনিও চোৰৰ ঘৰ দক্ষিণ শালমাৰা থানা এলেকাৰ চেবল্টৰী গাঁৱত। আৰক্ষীৰ অভিযানত উদ্ধাৰ হোৱা বুজন পৰিমাণৰ ৰড আৰু তাঁৰসমূহ L&T কোম্পানীৰ ধুবুৰী ফুলবাৰী দলং নিৰ্মাণৰ সামগ্ৰী আছিল ৷

ইতিমধ্যে আৰক্ষীয়ে তিনিওজনক গ্ৰেপ্তাৰ কৰি চুৰি সামগ্ৰী সন্দৰ্ভত প্ৰয়োজনীয় আইনী প্ৰক্ৰিয়া আৰম্ভ কৰিছে।