ডিজিটেল ডেস্ক: মেঘালয়ৰ পৰা বৰাক উপত্যকাত প্ৰৱেশ পথত অবৈধভাৱে বৃহৎ পৰিমাণৰ বিদেশী সুৰা সৰবৰাহ কৰাৰ অভিযোগত আৰক্ষীয়ে এখন ট্ৰাক জব্দ কৰিছে।
৬ নম্বৰ ৰাষ্ট্ৰীয় ঘাইপথৰ কালাইনছড়া ট’ল গেটত তালাচী চলাই ট্ৰাকখনৰ পৰা মুঠ ৮২ কাৰ্টন বিদেশী সুৰাৰ বটল জব্দ কৰা হয়।
আৰক্ষী সূত্ৰে জনোৱা মতে, ট্ৰাকখন মেঘালয়ৰ পৰা মিজোৰামলৈ ৰাওনা হৈছিল। সন্দেহৰ ভিত্তিত কালাইনছড়া ট’ল গেটত তালাচী চলোৱাৰ পিছতে এই বৃহৎ পৰিমাণৰ সুৰা জব্দ কৰা হয়। এই ঘটনাক কেন্দ্ৰ কৰি অঞ্চলটোত চাঞ্চল্যৰ সৃষ্টি হৈছে।
ঘটনাটোৰ সন্দৰ্ভত ট্ৰাক চালক বদৰপুৰ কান্দিগ্ৰাম নিবাসী কমৰুল ইছলামক আৰক্ষীয়ে আটক কৰিছে। তেওঁক সোধ-পোছ কৰি সৰবৰাহ চক্ৰৰ সৈতে আৰু কোন কোন জড়িত আছে সেয়া তদন্ত কৰি থকা হৈছে।
Continue Reading
