ডিজিটেল ডেস্ক: বিশ্বৰ বিলুপ্তপ্ৰায় লাজুকী বান্দৰৰ পোৱালি এইবাৰ উদ্ধাৰ বোকাখাতৰ ম’হমাইকী গাঁৱত। নিশা ম’হমাইকী গাঁৱৰ এঘৰ মানুহৰ সন্মুখৰ ৰাজপথত বগাই থকা অৱস্থাত কুকুৰে খেদি যায় লাজুকী বান্দৰৰ পোৱালিটো।
কুকুৰৰ মাত আৰু গতিবিধি প্ৰত্যক্ষ কৰি স্থানীয় বাসিন্দাই লাজুকী বান্দৰটো উদ্ধাৰ কৰে ।
উদ্ধাৰকাৰী দলটোৰ তৎপৰতাত আৰু উপস্থিত সাংবাদিক সকলৰ খবৰৰ ভিত্তিত কাজিৰঙাৰ বন বিভাগে চমজি লয় উদ্ধাৰকৃত লাজুকী বান্দৰৰ পোৱালিটো ।
বন বিভাগৰ বন্যপ্ৰাণী পুনৰ সংস্থাপন কেন্দ্ৰৰ বনকৰ্মচাৰীৰ মতে অঞ্চলটোত লাজুকী বান্দৰৰ অৱস্থিতি থকাৰ সম্ভাৱনা, কাৰণ ওচৰে পাজৰে লাজুকী বান্দৰ পোৱালিটোৰ পৰিয়াল থকাৰ সম্ভাৱনা আছে ।
Continue Reading
