এই ৪টা বস্তু খাই প্ৰাকৃতিকভাৱে নিয়ন্ত্ৰণ কৰক ছুগাৰৰ মাত্ৰা; প্ৰয়োজন নহ’ব ঔষধৰ

ডিজিটেল ডেস্ক: ডায়েবেটিছ আজিকালি এটা সাধাৰণ সমস্যা হৈ পৰিছে। এই ৰোগ ভাৰতত বেছিকৈ দেখা যায়, আৰু ইয়াৰ প্ৰাৰম্ভিক অৱস্থাত মানুহে ইয়াক ঔষধৰ দ্বাৰা পৰিচালিত কৰে। ডায়েবেটিছে আন বহুতো গুৰুতৰ ৰোগৰ আশংকা কঢ়িয়াই আনে, মূলতঃ জীৱনশৈলীৰ দুৰ্বল পছন্দ, খাদ্যাভ্যাস, মেদবহুলতা আৰু শাৰীৰিক কাৰ্যকলাপৰ অভাৱেই ইয়াৰ মূল কাৰণ। 

ডায়েবেটিছৰ ফলত প্ৰায়ে মানুহে আলু আৰু চেনিৰ দৰে বহুতো খাদ্য সম্পূৰ্ণৰূপে পৰিত্যাগ কৰি কেৱল ঔষধৰ ওপৰত নিৰ্ভৰ কৰে। আপুনি জানেনে ঔষধ অবিহনে ছুগাৰৰ মাত্ৰা নিয়ন্ত্ৰণ কৰি সুস্থ জীৱন যাপন কৰিব পাৰি। ঔষধ অবিহনে কেনেকৈ ছুগাৰৰ মাত্ৰা নিয়ন্ত্ৰণ কৰিব পাৰি জানো আহক।

কি খাব?

মেথি: মেথিৰ গুটিত প্ৰটিন, আঁহ, কাৰ্বহাইড্ৰেট, ভিটামিন (A, C, B), আইৰণ, মেগনেছিয়াম, মেংগানিজ আদি থাকে। ডায়েবেটিছ ৰোগীৰ বাবে মেথিৰ গুটি অতি উপকাৰী হ’ব পাৰে। মেথি গুটি এচামুচ ৰাতি পানীত তিয়াই থৈ পিছদিনা ৰাতিপুৱা পানীখিনি খাব লাগে। এই পানীয়ে ইনচুলিনৰ সংবেদনশীলতা বৃদ্ধি কৰে আৰু হজম শক্তি বৃদ্ধি কৰে।

নিমপাত: নিমৰ বাকলি আৰু পাত দুয়োটা উপকাৰী। নিম পাতে ডায়েবেটিছ নিয়ন্ত্ৰণত সহায় কৰিব পাৰে। আয়ুৰ্বেদত নিম পাতৰ অসংখ্য উপকাৰিতাৰ তালিকা দিয়া হৈছে, আৰু ইয়াক চোবাই খালে পেট আৰু দাঁতৰ বীজাণু দূৰ হয়, তেজ বিশুদ্ধ হয় আৰু ছুগাৰৰ মাত্ৰা নিয়ন্ত্ৰণ কৰিব পাৰি। নিমপাতত এজাডিৰাকটিন, ফ্লেভন’ইড, এলকেল’ইড, টেনিন, ষ্টেৰইড আদি থাকে। ৰাতিপুৱা খালী পেটত ৫-১০টা নিম পাত চোবাই খাব লাগে।

ডালচেনি: প্ৰতিটো পাকঘৰতে ডালচেনি ব্যৱহাৰ হয়। ডালচেনিয়ে ডায়েবেটিছ নিয়ন্ত্ৰণত সহায় কৰিব পাৰে। ইয়াত এণ্টিঅক্সিডেণ্ট, ফাইবাৰ, কেলচিয়াম, আইৰণ আৰু মেংগানিজ থাকে। ই শৰীৰত ইনচুলিন নিয়ন্ত্ৰণ কৰাত সহায় কৰে।

কেৰেলাৰ ৰস: ডায়েবেটিছ ৰোগীৰ বাবে কেৰেলা এক আশীৰ্বাদ। বিশেষকৈ কেৰেলাত ভিটামিন চি, ভিটামিন এ, আঁহ, ফ’লেট, আইৰণ, পটাছিয়াম, মেগনেছিয়াম আদি প্ৰচুৰ পৰিমাণে পোৱা যায়। কেৰেলাৰ ৰস খালে ইয়াৰ চেৰেণ্টিন, পলিপেপটাইড-পি, আৰু অন্যান্য জৈৱ সক্ৰিয় যৌগসমূহৰ বাবে তেজৰ ছুগাৰৰ মাত্ৰা নিয়ন্ত্ৰণ কৰাত সহায় কৰিব পাৰি। সপ্তাহত ২-৩ বাৰহে ৰস খোৱাটো বাঞ্ছনীয়।