ডিজিটেল ডেস্কঃ বিগত মাহত মহাকুম্ভত পদপিষ্ট হৈ ৩০ লোকৰ মৃত্যু হোৱাৰ বিষয়ত পশ্চিম বংগৰ মুখ্যমন্ত্ৰী মমতা বেনাৰ্জীয়ে কৰা মন্তব্যত বুধবাৰে জাঙুৰ খাই উঠিছে উত্তৰ প্ৰদেশৰ মুখ্যমন্ত্ৰী যোগী আদিত্যনাথ।
মুখ্যমন্ত্রী বেনার্জীয়ে উক্ত ঘটনাক কেন্দ্ৰ কৰি মহাকুম্ভ 'মৃত্যুকুম্ভ'লৈ পৰিণত হৈছে বুলি মঙলবাৰে অভিযোগ কৰিছিল। উত্তৰ প্ৰদেশৰ বিধানসভাত খঙত অগ্নিশর্মা হৈ মুখ্যমন্ত্রী যোগীয়ে মমতাৰ মন্তব্যক গৰিহণা দি কয় যে মহাকুম্ভ আৰম্ভ হোৱাৰ পৰা 'সংগম'ত এতিয়ালৈকে ৫৬ কোটি ভক্তই 'পৱিত্ৰ স্নান' কৰিছে আৰু সেইবাবে মুখ্যমন্ত্রী যোগীয়ে মমতাৰ অভিযোগক ভিত্তিহীন বুলি অভিহিত কৰে।
মমতাই ৫৬ কোটি ভক্তৰ বিশ্বাসৰ সৈতে খেলা কৰিছে বুলি যোগীয়ে অভিযোগ উত্থাপন কৰে। যোগী আদিত্যনাথে বিধানসভাত পদপিষ্ট হৈ মৃত্যু হোৱা ৩০ লোকৰ প্ৰতি শ্ৰদ্ধাঞ্জলি জ্ঞাপন কৰাৰ লগতে মহাকুম্ভলৈ অহাৰ পথত মৃত্যু হোৱা তীর্থযাত্রীসকলৰ পৰিয়ালবৰ্গকো সমবেদনা জ্ঞাপন কৰে।
উৎসঃ দৈনিক জনমভূমি
Continue Reading
