চাৰি বছৰত দুগুণ বাঢ়িল; ৬৪% ভাৰতীয় মহিলাই ব্যৱহাৰ কৰে ইণ্টাৰনেট

ডিজিটেল ডেস্ক: বৰ্তমান সময়ত ৬৪% ভাৰতীয় মহিলাই ইণ্টাৰনেট ব্যৱহাৰ কৰে। শুকুৰবাৰে ৰাষ্ট্ৰীয় পৰিয়াল স্বাস্থ্য সমীক্ষাৰ ষষ্ঠ প্রতিবেদনত এই তথ্য প্রকাশ পাইছে। ২০১৯-২০২১ চনত ৩৩.৩% ভাৰতীয় মহিলাই ইণ্টাৰনেট ব্যৱহাৰ কৰিছিল। কিন্তু মাত্ৰ চাৰি বছৰতে ইয়াৰ সংখ্যা দুগুণ হ'ল। 

২০২৩-২০২৪ চনত ভাৰতত ইণ্টাৰনেট ব্যৱহাৰকাৰী মহিলাৰ সংখ্যা ৬৪.৩ শতাংশলৈ বৃদ্ধি পালে। ভাৰতীয় মহিলাৰ মাজত ডিজিটেল সুবিধা উপলব্ধ হোৱাৰ মাত্ৰ চাৰি বছৰৰ ভিতৰত দুগুণ বৃদ্ধি পালে। আনহাতে, ২০১৯-২১ চনত ৭৮.৬ শতাংশ ভাৰতীয় মহিলাৰ বেংক একাউণ্ট আছিল। কিন্তু ২০২৩-২৪ চনত ইয়াৰ সংখ্যা ৮৯ শতাংশলৈ বৃদ্ধি পালে। ঠিক সেইদৰে, ২০১৯-২১ চনত ৫৩.৯ শতাংশ মহিলাৰ ব্যক্তিগত ম'বাইল ফ'ন আছিল। 

২০২৩-২৪ চনত ৬৩.৬ শতাংশ ভাৰতীয় মহিলাই ব্যক্তিগত ম'বাইল ফ'ন ব্যৱহাৰ কৰিছে। কেন্দ্ৰীয় স্বাস্থ্য মন্ত্র্যালয়ে এই বিষয়ত কয় যে মহিলাৰ ডিজিটেল অন্তর্ভুক্তি আৰু বিত্তীয় সবলীকৰণৰ বিকাশৰ ধাৰা অব্যাহত আছে।

উৎস: দৈনিক জনমভূমি