ডিজিটেল ডেস্কঃ ' ১৬ আগষ্টত ৰাষ্ট্ৰীয় চলচ্চিত্ৰ বঁটা বিজয়ীসকলৰ তালিকা ঘোষণা কৰা হ’ল। বলীউড আৰু দক্ষিণ চিনেমাৰ এগৰাকী অতি জনপ্ৰিয় গায়ক,সুৰকাৰ আৰু সংগীত পৰিচালকৰ নামো এই তালিকাত সন্নিবিষ্ট হৈছে। বিশেষকৈ এইগৰাকী গায়ক তথা সংগীত পৰিচালকে সপ্তমবাৰৰ বাবে ৰাষ্ট্ৰীয় বঁটা লাভ কৰিবলৈ সক্ষম হৈছে।
এই গায়ক আৰু সুৰকাৰজন আন কোনো নহয়, তেওঁ এ আৰ ৰহমান, যিয়ে ‘পনিয়িন চেলভান: ১’ৰ বাবে শ্ৰেষ্ঠ সংগীত পৰিচালকৰ বঁটা লাভ কৰিছে।
সমগ্ৰ ভাৰতত সৰ্বাধিক ৰাষ্ট্ৰীয় বঁটা লাভ কৰা তেওঁৱেই প্ৰথম সংগীত পৰিচালক । সংগীতৰ বাবে পাঁচটা ৰাষ্ট্ৰীয় বঁটা লাভ কৰা ইছাইগনানী ইলায়াৰাজা দ্বিতীয়জন, তেওঁ শেষবাৰৰ বাবে ২০১৫ চনত তামিল ছবি থাৰাই থাপটটাইৰ বাবে ৰাষ্ট্ৰীয় বঁটা লাভ কৰিছিল। হিন্দী সংগীত পৰিচালক বিশাল ভৰদ্বাজে চাৰিটাৰ বাবে তৃতীয় আৰু জয়দেৱে তিনিটাৰে চতুৰ্থ স্থানত আছে।
১৯৯২ চনত মণি ৰত্নমৰ ছবি ৰোজাৰ সৈতে সংগীত পৰিচালক হিচাপে তামিল ছবিত আনুষ্ঠানিকভাৱে প্ৰৱেশ কৰিছিল এ আৰ ৰহমানে আৰু তাতেই আৰম্ভ কৰিছিল তেওঁৰ এই সুমধুৰ যাত্ৰা। মিনছাৰা কানাভুৱক অনুসৰন কৰি ১৯৯৬ চনত তেওঁ ‘ৰোজা’ৰ বাবে শ্ৰেষ্ঠ সংগীত হিচাপে প্ৰথম ৰাষ্ট্ৰীয় বঁটা লাভ কৰে ৷ ২০০০ চনৰ ভিতৰত তেওঁ অসংখ্য ভাষাত সংগীতৰ স্কোৰিং আৰম্ভ কৰে আৰু ২০০১ চনত হিন্দী ছবি লাগানৰ বাবে ৰাষ্ট্ৰীয় বঁটা লাভ কৰিবলৈ সক্ষম হয় ৷
২০০২ চনৰ পিছত ৰহমানে স্লামডগ মিলিয়নেয়াৰ আৰু ১২৭ আৱাৰৰ দৰে ছবিত কৰা কামৰ বাবে গোল্ডেন গ্ল’বছ, ক্ৰিটিকছ চয়ছ মুভি এৱাৰ্ড আৰু অস্কাৰকে ধৰি বিশ্বজুৰি অসংখ্য বঁটা লাভ কৰে।
ভাৰতীয় চিনেমাত কাম কৰি থকাৰ সময়তে তেওঁ আন্তঃৰাষ্ট্ৰীয় পৰ্যায়ত নিজৰ নাম উজলাইছিল যদিও ১৫ বছৰৰ পাছতহে মণিৰত্নমৰ কাত্ৰু ভেলীয়দাই আৰু শ্ৰীদেৱী অভিনীত হিন্দী ছবি মম দুয়োখন ছবিৰে জয়লাভ কৰি ৰাষ্ট্ৰীয় বঁটাত পুনৰবাৰ নাম উজলাবলৈ সক্ষম হয়।পনিয়িন চেলভান ১ৰ বাবে লাভ কৰা ৰাষ্ট্ৰীয় বঁটাৰ জৰিয়তে ৰহমানে ভাৰতীয় ইতিহাসৰ লগতে চিনেমাৰ ইতিহাসতো সৰ্বাধিক বিজয়ী সংগীত পৰিচালক হিচাপে নিজৰ খোপনি পোতিছে ৷
Continue Reading
