ডিব্ৰুগড়ৰ পশ্চিম বাছবাড়ীত ভয়ংকৰ অগ্নিকাণ্ড ; ভস্মীভূত দুখন চাৰিচকীয়া বাহন

ডিজিটেল ডেস্কঃ ডিব্ৰুগড়ত ভয়ংকৰ অগ্নিকাণ্ড । অজয় দাস নামৰ ব্যক্তিজনৰ বাসগৃহত সংঘটিত হয় অগ্নিকাণ্ড। এটা বাসগৃহ ভস্মীভূত হোৱা লগতে সা-সম্পত্তি সহ দুখন চাৰিচকীয়া বাহন জ্বলি ছাই হৈ যায়। 

অগ্নিকাণ্ডৰ কাৰণ জানিব পৰা হোৱা নাই যদিও শ্বৰ্ট স্বাৰ্কিতৰ ফলতে অগ্নিকাণ্ড সংঘটিত হোৱা বুলি অনুমান কৰা হৈছে।ঘৰত কোনো নথকাৰ সময়তে সংঘটিত হয় এই অগ্নিকাণ্ড।

অজয় দাসৰ ভাতৃ বিজয় দাস গাড়ীৰ মেকানিক আছিল।এখন বাহন মেৰামতি বাবে নিজ ঘৰত ৰাখিছিল। অগ্নিকাণ্ডৰ ফলত দুটা চিলিণ্ডাৰ বিস্ফোৰণ হৈ ভয়ংকৰ ৰূপ লৈ। অৱশ্যে অগ্নিনিৰ্বাপক বাহিনীৰ তিনিখন বাহনে জুই নুমুৱাবলৈ সক্ষম হয়। ফলত আৱাসিক অঞ্চলটোলৈ অগ্নিকাণ্ড বিয়পিব নাপালে। অগ্নিকাণ্ডৰ ফলত বহু লক্ষাধিক টকাৰ সম্পত্তি জুইত জাহ যায়।