মৰিগাঁৱৰ জালুগুটিত ড্ৰাগছ আসক্ত চোৰৰ সন্ত্ৰাস ; ৰাইজৰ হাতত আটক ৪ কুখ্যাত অপৰাধী

ডিজিটেল ডেস্কঃ মৰিগাঁও জিলাৰ জালুগুটি আৰক্ষী পহৰা চকীৰ অন্তৰ্গত বৰামাৰা অঞ্চলত দীৰ্ঘদিন ধৰি চলি থকা চুৰি আৰু ড্ৰাগছৰ সন্ত্ৰাসে অৱশেষত এক নাটকীয় মোৰ লৈছে। 

অতিষ্ঠ ৰাইজে আজি সংঘবদ্ধ হৈ ড্ৰাগছ আসক্ত তিনি চোৰৰ লগতে চোৰৰ আশ্ৰয়দাতা হিচাপে পৰিচিত ড্ৰাগছ ব্যৱসায়ী মেৰাজ আলীক আটক কৰি আৰক্ষীক গতাই দিয়ে।

খবৰ অনুসৰি জালুগুটি বৰামাৰা আৰু ইয়াৰ আশ-পাশৰ অঞ্চলত বিগত বহু দিন ধৰি কৃষকৰ গৰু-ছাগলী, বাৰীৰ তামোল, পথাৰৰ ধানৰ পৰা আৰম্ভ কৰি মটৰ চাইকেল, ই-ৰিক্সা আদিলৈকে সকলো সামগ্ৰী নিৰন্তৰ চুৰ হৈ আছিল। এই চুৰি কাণ্ডৰ সৈতে তিনিজন ড্ৰাগছ আসক্ত যুৱক জড়িত থকাৰ সন্দেহ কৰিছিল স্থানীয় ৰাইজে।

আজি স্থানীয় ৰাইজে জালুগুটি আৰক্ষীৰ সহযোগত মেৰাজ আলীৰ সৈতে তিনিওজন চোৰ ক্ৰমে মুস্তাক আলী, জানতি আৰু ৰমজান আলীক কৰায়ত্ত কৰিবলৈ সক্ষম হয় ৷