অসম চৰকাৰৰ বিৰুদ্ধে মমতাৰ জেহাদ, মুখ্যমন্ত্রী ড° হিমন্ত বিশ্ব শৰ্মাৰ প্ৰতিবাদ

ডিজিটেল ডেস্ক : অসমৰ বাংলাভাষী লোকক 'ভাবুকি' দিয়াৰ বাবে পশ্চিম বংগৰ মুখ্যমন্ত্রী মমতা বেনার্জীয়ে শনিবাৰে অসমৰ বিজেপি নেতৃত্বাধীন চৰকাৰখনক তীব্র সমালোচনা কৰে। বেনার্জীয়ে আৰু কয় যে অসমত বিজেপিৰ 'বিভেদকামী কর্মসূচী'য়ে 'সকলো সীমা চেৰাই গৈছে।

' সামাজিক মাধ্যম এক্সত বেনার্জীয়ে কয়, 'দেশত আটাইতকৈ বেছি লোকে কোৱা দ্বিতীয় ভাষা বাংলা, অসমৰো আটাইতকৈ বেছি লোকে কোৱা দ্বিতীয় ভাষা। সকলো ভাষা আৰু ধৰ্মক সন্মান কৰি, শান্তিপূর্ণভাৱে সহ-অৱস্থান কৰিবলৈ বিচৰা সেইসকল নাগৰিকক তেওঁলোকে নিজৰ মাতৃভাষাক সমর্থন কৰাৰ বাবে উৎপীড়নৰ দ্বাৰা ভাবুকি দিয়াটো বৈষম্যমূলক আৰু অসাংবিধানিক।'

বেনার্জীয়ে আৰু কয়, 'অসমত বিজেপিৰ এই বিভেদকামী কর্মসূচীয়ে সকলো সীমা চেৰাই গৈছে আৰু অসমৰ জনসাধাৰণে ইয়াৰ বিৰুদ্ধে যুঁজ দিব। নিজৰ ভাষা পৰিচয় আৰু নিজৰ গণতান্ত্রিক অধিকাৰৰ বাবে যুঁজি থকা প্রতিজন নির্ভীক নাগৰিকৰ লগত মই আছোঁ।' উল্লেখযোগ্য যে বাংলাভাষী লোকক বিজেপিশাসিত ৰাজ্যত অত্যাচাৰ কৰাৰ অভিযোগত মমতা বেনাৰ্জীৰ নেতৃত্বত তৃণমূল কংগ্ৰেছে বুধবাৰে কলকাতাত এক প্রতিবাদী শোভাযাত্ৰা বাহিৰ কৰিছিল।

উৎসঃ দৈনিক জনমভূমি