ডিজিটেল ডেস্ক : নুমলীগড় ৰিফাইনেৰী লিমিটেড (এন আৰ এল) আৰু নেশ্যনেল ইনষ্টিটিউট অব্ ফার্মাচিউটিকেল এডুকেশ্যন এণ্ড ৰিছাৰ্চ, গুৱাহাটী (নাইপাৰ-গুৱাহাটী)ৰ মাজত গৱেষণা সহযোগিতাৰ উদ্দেশ্যে এখন বুজাবুজিৰ চুক্তি স্বাক্ষৰ কৰা হৈছে।
এই চুক্তিৰ জৰিয়তে পেট্রলিয়াম আৰু বায় 'মাছৰ পৰা আহৰণ কৰা পদাৰ্থ ব্যৱহাৰ কৰি এক্টিভ ফার্মাচিউটিকেল ইনগ্রেডিয়েন্ট (API) উৎপাদনৰ ক্ষেত্ৰত নতুন পথ আৰু আধুনিক প্রক্রিয়া বিকাশ কৰা হ'ব।
চুক্তিখনত এন আৰ এলৰ জেনেৰেল মেনেজাৰ (টেকনিকেল ছার্ভিচেছ) ৰূপম কুমাৰ শৰ্মা আৰু নাইপাৰ-গুৱাহাটীৰ সঞ্চালক প্ৰফেছৰ (ড°) ইউ এছ এন মূর্তিয়ে স্বাক্ষৰ কৰে। এই উপলক্ষে অনুষ্ঠিত অনুষ্ঠানত এন আৰ এলৰ ব্যৱস্থাপনা নির্দেশকসহ দুয়োটা সংস্থাৰ জ্যেষ্ঠ বিষয়াসকল উপস্থিত আছিল। উল্লেখযোগ্য যে এই সহযোগিতাৰ মুখ্য লক্ষ্য হৈছে এন আৰ এলৰ ৰিফাইনিং আৰু বায় 'ৰিফাইনেৰী ক্ষেত্ৰত থকা প্রযুক্তিগত দক্ষতা আৰু নিপেৰ-গুৱাহাটীৰ ঔষধ গৱেষণাৰ অভিজ্ঞতাক একত্ৰিত কৰা।
ইয়াৰ জৰিয়তে হাইড্ৰ'কার্বন আৰু নৱীকৰণযোগ্য ফিডষ্টকৰ পৰা মূল্য সংযোজিত প্রয়োগ বিকাশৰ ক্ষেত্ৰত নতুন সম্ভাৱনা সৃষ্টি হ'ব বুলি আশা কৰা হৈছে। এই উদ্যোগটোৱে টেক্স ই প্রযুক্তি উন্নয়ন, দেশীয় API উৎপাদন ক্ষমতা বৃদ্ধি আৰু উদ্যোগ-শিক্ষা প্রতিষ্ঠানৰ মাজত সহযোগিতা সুদৃঢ় কৰাৰ ৰাষ্ট্ৰীয় লক্ষ্য পূৰণত গুৰুত্বপূৰ্ণ ভূমিকা গ্ৰহণ কৰিব বুলিও ধাৰণা কৰা হৈছে।
উৎসঃ দৈনিক জনমভূমি
Continue Reading
