পাকিস্তানক সহায়ৰ বাবে আগবাঢ়িছে ভাৰতৰ বন্ধু ৰাষ্ট্ৰ! ঐতিহাসিক চুক্তিত স্বাক্ষৰ...

ডিজিটেল ডেস্কঃ ভাৰতৰ বন্ধু দেশ ৰাছিয়াৰ সৈতে ঘনিষ্ঠতা বৃদ্ধি কৰাত ব্যস্ত পাকিস্তান। এই সন্দৰ্ভত পাকিস্তানে ৰাছিয়াৰ সৈতে নতুন চুক্তি স্বাক্ষৰ কৰিছে।

ৰাছিয়াত থকা পাকিস্তানৰ দূতাবাসে শুকুৰবাৰে কয় যে পাকিস্তান আৰু ৰাছিয়াই কৰাচীত অৱস্থিত পাকিস্তান ষ্টীল মিল (পি এছ এম) পুনৰ আৰম্ভ কৰাৰ বাবে এক প্ৰট’কলত স্বাক্ষৰ কৰিছে। চুক্তি স্বাক্ষৰিত হোৱাৰ পাছত পাকিস্তান আৰু ৰাছিয়াৰ মাজত দীৰ্ঘম্যাদী ঔদ্যোগিক অংশীদাৰিত্ব পুনৰ দৃঢ় কৰে পাকিস্তান দূতাবাসে ।

ৰাছিয়াৰ ৰাজধানী মস্কোত থকা পাকিস্তানৰ দূতাবাসত এই চুক্তি স্বাক্ষৰিত হয় যত পাকিস্তানৰ হৈ উদ্যোগ আৰু উৎপাদন সচিব ছাইফ আঞ্জুম আৰু ৰাছিয়াৰ হৈ ঔদ্যোগিক অভিযান্ত্ৰিক এল. এল. চি.ৰ সাধাৰণ সঞ্চালক ভাদিম ভেলিচকোৱে এই চুক্তি স্বাক্ষৰ কৰে। ইফালে চুক্তি স্বাক্ষৰ কৰাৰ সময়ত ৰাছিয়াত পাকিস্তানৰ প্ৰধানমন্ত্ৰীৰ বিশেষ সচিব হাৰুণ আখতাৰ খান আৰু ৰাছিয়াত থকা পাকিস্তানৰ ৰাষ্ট্ৰদূত মহম্মদ খালিদ জামালিও উপস্থিত থাকে।

এই চুক্তিৰ মূল উদ্দেশ্য পাকিস্তানৰ ষ্টীল উৎপাদন পুনৰ আৰম্ভ আৰু ইয়াৰ বিস্তাৰ সাধন কৰা । ইয়াৰ সময়ত এছএপি এম হাৰুণ আখতাৰ খানে কয়, “ৰাছিয়াৰ সহযোগত পাকিস্তান ষ্টীল মিল (পিএছএম) পুনৰ আৰম্ভ কৰাটোৱে আমাৰ ভাগ-বতৰা কৰা ইতিহাস আৰু শক্তিশালী ঔদ্যোগিক ভৱিষ্যতৰ প্ৰতি আমাৰ দায়বদ্ধতাক প্ৰতিফলিত কৰে।”

ৰাছিয়াত থকা পাকিস্তান দূতাবাসৰ মতে, ১৯৭৩ চনত ছোভিয়েট ইউনিয়নৰ সহায়ত স্থাপিত কৰাচীত পাকিস্তান ষ্টীল মিল (পিএছএম) পাকিস্তান-ৰাছিয়াৰ সম্পৰ্কৰ চিৰস্থায়ী প্ৰতীক হিচাপে গঢ় লৈ উঠিছে।