আর্জেন্টিনাত প্রধানমন্ত্রী মোদী

ডিজিটেল ডেস্ক : পাঁচ দেশীয় ভ্ৰমণৰ তৃতীয় ভ্রমণসূচীত ভাৰতৰ প্ৰধানমন্ত্ৰী নৰেন্দ্ৰ মোদী শনিবাৰে পুৱা (ভাৰতীয় সময়মতে) আর্জেন্টিনাত উপস্থিত হয়। বুয়েনছ আয়াৰ্ছৰ এজেইজা আন্তঃৰাষ্ট্ৰীয় বিমান বন্দৰত মোদী উপস্থিত হোৱাৰ পাছত ভাৰতীয় লোকসকলে মোদীক আনুষ্ঠানিকভাৱে আদৰণি জনায়।

আনহাতে, হোটেলত উপস্থিত হোৱাৰ পাছত মোদীক পাৰস্পৰিক ভাৰতীয় নৃত্যৰে আদৰণি জনোৱা হয়। ভাৰতীয় লোকসকলে প্রধানমন্ত্রীক আদৰণি জনাওঁতে 'ভাৰত মাতা কী জয়' আৰু 'মোদী মোদী' ধ্বনিও দিয়ে।

উল্লেখযোগ্য যে আর্জেন্টিনাৰ ৰাষ্ট্ৰপতি জেভিয়েৰ মিলেইৰ নিমন্ত্রণ ক্রমে মোদী এক আনুষ্ঠানিক ভ্রমণত দেশখনলৈ গৈছে। যোৱা ৫৭ বছৰত কোনো ভাৰতীয় প্ৰধানমন্ত্ৰীৰ এই প্ৰথম আর্জেন্টিনা ভ্রমণ। এই ভ্ৰমণৰ পাছতে প্রধানমন্ত্রী মোদীয়ে ব্রিক্‌ছ শীর্ষ সন্মিলনত অংশগ্রহণ কৰিবলৈ ব্রাজিলৰ ৰিঅ' ডে জেনেৰিঅ'লৈ ৰাওনা হ'ব। তাৰ পাছতে অন্তিম ভ্রমণসূচীৰে ৰাওনা হ'ব নামিবিয়ালৈ।

ইয়াৰ আগতে মোদীয়ে ঘানা আৰু ট্রিনিডাড-টবেগো ভ্রমণ কৰিছিল। উক্ত দুয়োখন দেশতে মোদীক দেশ দুখনৰ সৰ্বোচ্চ অসামৰিক সন্মানেৰে সন্মানিত কৰা হৈছিলৰে সন্মানিত কৰা হৈছিল।

উৎসঃ দৈনিক জনমভূমি