আমেৰিকাৰ ছিকাগ’ত তিনিদিনীয়া বিশেষ কাৰ্যসূচীৰে অনুষ্ঠিত হৈছে অসম অভিৱৰ্তন ২০২৫

ডিজিটেল ডেস্কঃ উত্তৰ আমেৰিকাৰ প্ৰৱাসী অসমীয়াসকলে আয়োজন কৰা বাৰ্ষিক অধিৱেশনখনত ৪ জুলাই দিনাৰ অনুষ্ঠান উদ্বোধন কৰে Consul General সোমনাথ ঘোষে ৷

বিভিন্ন সাংস্কৃতিক অনুষ্ঠানৰ লগতে পুৱাৰ ভাগত কণমানিসকলৰ বাবে এখনি চিত্ৰাংকণ প্ৰতিযোগিতাৰো আয়োজন কৰা হয় ৷ লগতে “পোহৰ “ শীৰ্ষক সাংস্কৃতিক অনুষ্ঠানত কণমানিহঁতে বিভিন্ন গীত নৃত্য পৰিৱেশন কৰাৰ লগতে অসমৰ নানান জাতি জনজাতিৰ পৰম্পৰাগত সাজপাৰ পৰিধান কৰি এক ফেশ্ব’ন শ্বটো অংশ লয় ৷

তাৰোপৰি অসমৰ পৰা আমন্ত্ৰিত ফেশ্বন ডিজাইনাৰ মিত্ৰানী কাকতি আৰু অনুৰাধা কুলিৰো এখনি বিশেষ ফেশ্বন শ্ব’ অনুষ্ঠিত হয় ৷ য’ত ক্ৰমে বৰষাৰাণী বিষয়া আৰু দিপলীনা ডেকাই Showstopper হিচাপে অংশ গ্ৰহণ কৰে ৷ নিশাৰ ভাগত অভিনেত্ৰী বৰষা ৰাণী বিষয়াৰ এক বাৰেৰহনীয়া নৃত্যানুষ্ঠানৰো আয়োজন কৰা হয়৷ য’ত উদ্যোক্তা মণ্ডলীৰ মহিলা সকলে অংশ গ্ৰহণ কৰে ৷ লগতে সংগীতানুষ্ঠান পৰিৱেশন কৰে দিপলীনা ডেকাই ৷

উল্লেখযোগ্য যে, ৫ জুলাইৰ অন্তিম দিনাৰ সাংস্কৃতিক অনুষ্ঠানত গীত পৰিৱেশন কৰিব অংগৰাগ পাপন মহন্তই ৷ অনুষ্ঠানৰ এক বিশেষ কাৰ্যসূচীত অংশ ল’ব অসমৰ উদ্যোগপতি ড° সঞ্জীৱ নাৰায়ণে ৷