ভতুৱা কুকুৰক চোৱা-চিতা নকৰাৰ বাবে দিল্লী চৰকাৰ, পৌৰ নিগমক সমালোচনা

ডিজিটেল ডেস্কঃ দিল্লী এন চি আৰৰ পৰা ভতুৱা কুকুৰক আঁতৰোৱা আৰু পুনৰ আশ্রয় দিয়াৰ বাবে উচ্চতম ন্যায়ালয়ৰ দুজনীয়া বিচাৰপীঠে যোৱা ১১ আগষ্টত দিয়া ৰায়ক স্থগিত ৰাখিবলৈ কৰা আৱেদনসমূহৰ বিষয়ত উচ্চতম ন্যায়ালয়ে ইয়াৰ ৰায় সংৰক্ষিত ৰাখে।

উচ্চতম ন্যায়ালয়ে ইয়াৰ ৰায় সংৰক্ষিত ৰাখি বৃহস্পতিবাৰে ভতুৱা কুকুৰক পথত ভালদৰে চোৱাচিতা নকৰাৰ বাবে দিল্লী চৰকাৰ আৰু পৌৰ কৰ্তৃপক্ষক সমালোচনা কৰে।

উচ্চতম ন্যায়ালয়ৰ পূৰ্বৰ ৰায়টোক স্থগিত ৰখাৰ বাবে কৰা আৱেদনসমূহৰ ৰায় কেতিয়া দিব শীর্ষতম চৰকাৰ আৰু পৌৰ কৰ্তৃপক্ষক সমালোচনা কৰি কয়, 'আপোনালোকে আইন বিধি প্রণয়ন কৰিছে, কিন্তু সেইসমূহ ৰূপায়ণ নকৰে, ভতুৱা কুকুৰৰ পৰা মানুহে কষ্ট ভোগ কৰি আছে, আনহাতে পশুপ্রেমীসকলে আইন-বিধি নমনা বুলি অভিযোগ কৰিছে।

পশু পৰিষদ অথবা কর্তৃপক্ষই একো নকৰে।' ন্যায়াধীশ বিক্রম নাথে দিল্লী চৰকাৰক প্ৰতিনিধিত্ব কৰা অতিৰিক্ত ছলিচিটৰ জেনেৰেল অৰ্চনা পাঠক ডাবেক এইদৰে কয়।

উৎসঃ দৈনিক জনমভূমি