পাকিস্তান হৈ পৰিল হাঁহিৰ পাত্ৰ ; ভাৰতৰ বিৰুদ্ধে কাল্পনিক জয়ৰ বাবে বিতৰণ কৰিলে ৪৮৮ টা পদক

ডিজিটেল ডেস্কঃ: অপাৰেচন সিন্দুৰত প্ৰচণ্ড পৰাজয়ৰ সন্মুখীন হোৱাৰ পিছতো পাকিস্তানে এতিয়াও নিজৰ কাল্পনিক জগতখনত বাস কৰি আছে। অপাৰেচন সিন্দুৰত ভাৰতে পাকিস্তানৰ ভিতৰলৈ গৈ সন্ত্ৰাসবাদীক হত্যা কৰিছিল।

আনহাতে ভাৰতৰ হাতত পৰাস্ত হোৱাৰ পাছতো পাকিস্তানে অহৰহ মিছা প্ৰচাৰৰ চেষ্টা চলাই আছে। ১৪ আগষ্টত পাকিস্তানৰ পৰা এটা ভিডিঅ’ পোহৰলৈ আহে, যাৰ বাবে সমগ্ৰ বিশ্বই ইয়াক উপহাস কৰিছে। পাকিস্তানে পুনৰ নিজৰ সামৰ্থ্যৰ বাহিৰত দাবী উত্থাপন কৰিছে।

ইছলামবাদত অনুষ্ঠিত এক অনুষ্ঠানত পাকিস্তানৰ ৰাষ্ট্ৰপতি আছিফ আলী জাৰ্দাৰী আৰু প্ৰধানমন্ত্ৰী শ্বাহবাজ শ্বৰীফে ভাৰত আৰু পাকিস্তানৰ যুদ্ধৰ সময়ত অসামৰিক আৰু সামৰিক বিষয়াসকলক তেওঁলোকৰ কথিত “কৃতিত্ব”ৰ বাবে সন্মান জনায়। আটাইতকৈ চাঞ্চল্যকৰ বঁটা প্ৰদান কৰে উইং কমাণ্ডাৰ মালিক ৰিজৱান-উল-হক ইফতিকাৰক। ভাৰতৰ এছ-৪০০ এয়াৰ ডিফেন্স চিষ্টেম "ধ্বংস" কৰা বুলি দাবী কৰাৰ বাবে তেওঁক সন্মানিত কৰা হৈছিল। এই অনুষ্ঠানৰ ভিডিঅ’ ভাইৰেল হৈ পৰে, য’ত পাকিস্তানৰ প্ৰধানমন্ত্ৰীয়ে নিজেই এই বঁটা প্ৰদান কৰা দেখা গ’ল।

পাকিস্তানৰ মিছা কথা উদঙাই দিছিল প্ৰধানমন্ত্ৰী মোদীয়ে

তেওঁলোকৰ ব্যৰ্থতা লুকুৱাবলৈ পাকিস্তানী বিষয়াসকলে দাবী কৰিছিল যে ভাৰতৰ এছ-৪০০ ব্যৱস্থাটো পঞ্জাৱৰ আদমপুৰ বিমানঘাটিত ক্ষতিগ্ৰস্ত হৈছে আৰু ইয়াৰ “উপগ্ৰহৰ ছবি”ও প্ৰকাশ কৰিছে।

কিন্তু এই দাবী তৎক্ষণাত মিছা বুলি প্ৰমাণিত হ’ল যেতিয়া প্ৰধানমন্ত্ৰী নৰেন্দ্ৰ মোদীয়ে নিজেই বিমান ঘাটিত উপস্থিত হৈ সৈনিকৰ সৈতে থিয় দি স্পষ্টকৈ দেখুৱালে যে ভাৰতৰ কোনো এখন এছ-৪০০ বিমানেই বিপদত নপৰে। ভাৰতে এই সকলোবোৰ ভুৱা দাবী সম্পূৰ্ণৰূপে নাকচ কৰে।"

পাকিস্তান হৈ পৰিল হাঁহিৰ পাত্ৰ

এফালে ভাৰতে অপাৰেচন সিন্দুৰত মহৎ ভূমিকা পালন কৰা প্ৰকৃত নায়ক উইং কমাণ্ডাৰ ৰিজৱান মালিকক বীৰ চক্ৰ প্ৰদান কৰাৰ বিপৰীতে আনফালে পাকিস্তানে ৰিজৱান উল হকক ভুৱা বিজয়ৰ নামত হাস্যৰসৰ বঁটা প্ৰদান কৰে।

পাকিস্তানৰ স্বাধীনতা দিৱস উদযাপনৰ কাৰ্যসূচীও “পদক বিতৰণ মেলা”লৈ ৰূপান্তৰিত হয়। সেনা, বায়ুসেনা আৰু নৌসেনাৰ মুঠ ৪৮৮ গৰাকী বিষয়াক বিভিন্ন পদক আৰু বঁটা প্ৰদান কৰা হয়। সীতাৰা-ই-জুৰাটৰ পৰা তামঘা-ই-বছালাট আৰু নিশান-ই-ইমতিয়াজলৈকে মিঠাইৰ দৰে পদক বিতৰণ কৰা হৈছিল। আনকি আই এছ আইৰ মুৰব্বী লেফটেনেণ্ট জেনেৰেল মহম্মদ আছিম মালিক আৰু সেনাৰ মুখপাত্ৰ লেফটেনেণ্ট জেনেৰেল আহমেদ শ্বৰীফ চৌধাৰীকো সীতাৰা-ই-বছালাত প্ৰদান কৰা হয়।