'ডিজিটেল এৰেষ্ট' প্ৰৱঞ্চনা ; শিক্ষিত বয়োজ্যেষ্ঠ লোক ভুক্তভোগী হোৱাত চিন্তিত উচ্চতম ন্যায়ালয়

ডিজিটেল ডেস্ক : দেশৰ শিক্ষিত বয়োজ্যেষ্ঠ লোকসকল 'ডিজিটেল এৰেষ্ট' প্ৰৱঞ্চনাৰ বলি হৈ থকাৰ বাবে উদ্বেগ প্রকাশ কৰিছে উচ্চতম ন্যায়ালয়ে। উচ্চতম ন্যায়ালয়ে শুকুৰবাৰে দেশত 'ডিজিটেল এৰেষ্ট'ৰ বৰ্ধিত ঘটনাৰ বিষয়ত কয় যে চাইবাৰ অপৰাধীৰ ভুৱা দাবীক মানি লৈ আনকি শিক্ষিত আৰু অভিজ্ঞ লোকসকলো বিপথে পৰিচালিত হৈছে আৰু এইসকল বয়োজ্যেষ্ঠ লোকৰ পৰাই চাইবাৰ অপৰাধীয়ে কোটি কোটি টকা সৰকাই নিবলৈ সক্ষম হৈছে। 

উচ্চতম ন্যায়ালয়ৰ মুখ্য ন্যায়াধীশ সূর্য কান্ত আৰু ন্যায়াধীশ জয়মাল্য বাগছীৰে গঠিত বিচাৰপীঠখনে আশ্চর্য প্রকাশ কৰি কয়, 'জ্যেষ্ঠ শিক্ষিত নাগৰিকসকলে কিয় এনে আচৰণ কৰে। কেনে ধৰণৰ ফ'ন কল তেওঁলোকলৈ আহে, আপোনালোকে কিয় সিঁহতৰ শ্রুতলিপি শুনে। সাধাৰণতে আপোনালোক বয়সৰ পৰা আপোনালোকে বহুত অভিজ্ঞতা লাভ কৰিছে,' বয়োজ্যেষ্ঠ শিক্ষিত লোকসকলক উদ্দ্যেশি উচ্চতম ন্যায়ালয়ৰ বিচাৰপীঠখনে এইদৰে কয়। 

উল্লেখযোগ্য যে যোৱা বৰ্ষৰ ছেপ্টেম্বৰ মাহত নৰেশ মালহোত্রা নামৰ এজন ৭৮ বছৰীয়া বেংকাৰ ডিজিটেল এৰেষ্টৰ বলি হৈছিল আৰু তেওঁ ২৩ কোটি টকা হেৰুৱাইছিল। এই গোচৰৰ সংক্ৰান্ততে এখন আবেদন দাখিল কৰা হৈছিল যে এনেধৰণৰ কেলেংকাৰিৰ পৰা বয়োজ্যেষ্ঠ লোকসকলক সুৰক্ষা দিবৰ বাবে বেংকসমূহক উচ্চতম ন্যায়ালয়ে নির্দেশনা দিব লাগে। এই আৱেদনৰ শুনানি লৈ উচ্চতম ন্যায়ালয়ে এইদৰে মন্তব্য কৰে।

উৎসঃ দৈনিক জনমভূমি