ডিজিটেল ডেস্কঃ নৃশংস হত্যাৰ বলি হোৱা বৰবৰুৱাৰ উত্তম গগৈৰ চাৰি হত্যাকাৰীক আটক।বৰবৰুৱা আৰক্ষীয়ে আটক কৰিলে উত্তম গগৈৰ পত্নী, কন্যা সহ দুই চুপাৰী কিলাৰক পত্নী, কন্যাই দুই চুপাৰী কিলাৰক সোণৰ গহনা আৰু ১০ লাখ টকা দি হত্যা কৰাইছিল উদীয়মান ব্যৱসায়ী উত্তম গগৈক ।
বৰবৰুৱাৰ উত্তম গগৈৰ নৃশংস হত্যাক লৈ পত্নী কন্যা সহ চাৰিজনক আটক ডিব্ৰুগড়ৰ বৰবৰুৱা আৰক্ষীৰ। হত্যাকাৰী পত্নী কন্যাক ফাঁচীৰ দাবীৰে বৰবৰুৱা আৰক্ষী থানাত উত্তাল প্ৰতিবাদ স্থানীয় সহস্ৰাধিক পুৰুষ মহিলাৰ। যোৱা ২৫ জুলাইত সংঘটিত হৈছিল এই চাঞ্চল্যকৰ হত্যাকাণ্ড।
বৰবৰুৱাৰ লাহনগাঁৱৰ উদীয়মান ব্যৱসায়ী উত্তম গগৈ ওৰফে চেং কাইক কোনো দুৰ্বৃত্তই ঘৰত অকলে থকা অৱস্থাত নিশা নৃশংস ভাৱে হত্যা কৰিছিল। মৃতদেহ উদ্ধাৰ হোৱা শুৱনি কোঠাটোৰ বিভিন্ন সামগ্ৰী ছেদেলি ভেদেলি কৰি মুল্যবান বয়- বস্তু লৈ গৈছিল হত্যাকাৰীয়ে।
ই এক ডকাইটিৰ ঘটনা বুলি অনুমান কৰা হৈছিল যদিও আৰক্ষীৰ তদন্তত পোহৰলৈ আহিছে বহু চাঞ্চল্যকৰ তথ্য। জানিব পৰা অনুসৰি উদীয়মান ব্যৱসায়ী উত্তম গগৈক নিজৰ পত্নী আৰু কন্যাই চুপাৰী কিলাৰ লগাই হত্যা কৰিছিল। কিয় এই হত্যাকাণ্ড কৰিছিল সেই কথা সঠিককৈ জানিব পৰা হোৱা নাই যদিও আজি পুৱাই বৰবৰুৱা আৰক্ষীয়ে আটক কৰিছে উত্তম গগৈৰ পত্নী ববী সোনোৱাল গগৈ, কন্যা আৰু কন্যাৰ প্ৰেমিক জামিৰা মটক গাঁৱৰ দীপজ্যোতি বুঢ়াগোহাঁই আৰু তেওঁৰ সহযোগী জামিৰা পাত্ৰ গাঁৱৰ গৌৰাঙ্গ পাত্ৰক।
আৰক্ষী সূত্ৰৰ পৰা জানিব পৰা অনুসৰি পত্নী, কন্যাই দুই চুপাৰী কিলাৰক সোণৰ গহনা আৰু কেইবা লাখ টকা দি খাদ্যৰ লগত নিচাযুক্ত দ্ৰব্য মিহলি কৰি টোপনি যোৱাৰ পিছত মৰিয়াই মৰিয়াই হত্যা কৰাইছিল উদীয়মান ব্যৱসায়ী উত্তম গগৈক।
এই হত্যাকাণ্ড কৰি ডকাইটিৰ ৰূপ দিবলৈ চেষ্টা কৰিছিল। উত্তম গগৈক হত্যা কৰি ২৬ তাৰিখে পুৱতি নিশা ৩ বজাত উত্তম গগৈৰ ঘৰৰ পৰা ৰঙা ৰঙৰ এখন বাহনত ওলাই গৈছিল চাৰি হত্যাকাৰী। বৰবৰুৱা আৰক্ষীৰ তৎপৰতাত এই চাঞ্চল্যকৰ হত্যাকাণ্ডৰ ৰহস্য ফাদিল হৈছে। আৰক্ষীৰ জেৰাৰ পাছতহে এতিয়া হত্যাকাণ্ডৰ প্ৰকৃত ৰহস্যৰ কাৰণ জানিব পৰা যাব।
Continue Reading
