মৰ্মান্তিক! দুই বছৰীয়া কণমানিৰ জন্ম দিনটোতে জ্বলিল পিতৃৰ চিতা

ডিজিটেল ডেস্কঃ মৃত্যু এক শিল্প । জীৱনৰ কঠিন শিলত কটা নিৰ্লোপ ভাস্কৰ্য । মৃত্যু কাৰ কেতিয়া আহে সেয়া কোনেও নাজানে । কিন্তু সেই মৃত্যু যদি আকস্মিক হয়, সেই মৃত্যু যদি নিজ পত্নীৰ ভুলৰ বাবে হয়, সেই মৃত্যু যদি কণমানি সন্তানৰ জন্ম দিনৰ ফুৰ্তি-আনন্দৰ বিপৰীতে হয়, তেন্তে তাতোকৈ দুখজনক আৰু হৃদয়বিদাৰক আন একোৱেই হ'ব নোৱাৰে ।

ঠিক তেনে এক মৰ্মান্তিক আৰু হৃদয়বিদাৰক ঘটনা সংঘটিত হ'ল ধিঙত । পত্নীৰ মানসিক আৰু শাৰীৰিক অত্যাচাৰ সহ্য কৰিব নোৱাৰি দুই বছৰীয়া কণমানি সন্তানৰ জন্মদিনটোতে আত্মহননৰ দৰে পথ বাচি ল'লে পিতৃয়ে । অভিযোগ অনুসৰি, তিনি বছৰ পূৰ্বে ধিঙৰ নাম ডুমডুমীয়াৰ দিপাংকৰ নাথৰ সৈতে বিবাহ পাশত আবদ্ধ হৈছিল ধিঙৰ বৰভেটি সোনাৰি গাঁৱৰ পৰিনীতা শইকীয়া । বিবাহৰ এসপ্তাহৰ পাছৰে পৰাই দুয়োৰে মাজত আৰম্ভ হৈছিল সাংসাৰিক অশান্তিৰ। তাৰ মাজতে দুয়োৰে জীৱনলৈ আগমন ঘটিল এটি কন্যা সন্তানৰ । কিন্তু দিপাংকৰ আৰু পৰিনিতাৰ সংসাৰত ঘুৰি নহা নাছিল শান্তি । বছৰটোৰ বেছি সংখ্যক দিনেই পিতৃ গৃহত থকা পৰিনিতাই প্ৰায়েই স্বামী দিপাংকৰক চলাই আহিছিল মানসিক আৰু শাৰীৰিক অত্যাচাৰ।

 তাৰ মাজতেই উলহ-মালহেৰে দুই বছৰীয়া কণমানি সন্তানৰ জন্ম দিন পালনৰ বাবে সমগ্ৰ প্ৰস্তুতি প্ৰায় সম্পন্ন কৰি তুলিছিল পিতৃ দিপাংকৰে । কিন্তু কণমানি জনীক লৈ পিতৃ গৃহত থকা পৰিনিতাই অমান্তি হৈছিল স্বামী গৃহত জন্ম দিন পালনৰ এই সিদ্ধান্ত । তাতেই দুয়োৰে মাজত ফোনতে সৃষ্টি হৈছিল বিতৰ্কৰ ।

পত্নীৰ মানসিক অত্যাচাৰ সহিব নোৱাৰি মৰিগাঁৱৰ পৰা ধিঙলৈ আহি থকা পথতে ৰৈ বিহ পাণ কৰে দিপাংকৰে । লগে লগে দিপাংকৰক ধিং এফ আৰ ইউত আৰু তাৰ পাছত নগাঁৱৰ এখন চিকিৎসালয়ত ভৰ্তি কৰোৱা হয় যদিও মৃত্যুক সাৱটি লয় দিপাংকৰে । অৱশেষত কণমানি শিশুৰ জন্ম দিনটোতে জ্বলিল দিপাংকৰৰ চিতা। মৃত্যুৰ পাছতো দিপাংকৰক চাবলৈ এবাৰো নাহিল নিষ্ঠুৰ পত্নী।

ইয়াকে লৈ এতিয়া জাঙুৰ খাই উঠিছে ধিঙৰ নাম ডুমডুমীয়াৰ মহিলা সমাজ । পৰিনিতা শইকীয়াৰ মানসিক আৰু শাৰীৰিক অত্যাচাৰ সহ্য কৰিব নোৱাৰি দিপাংকৰে আত্মহননৰ কৰিছে বুলি গুৰুতৰ অভিযোগ পৰিয়ালৰ লোকৰ । স্থানীয় মহিলা সকলৰ অভিযোগ অনুসৰি এই সমগ্ৰ ঘটনাৰ বাবে জগৰীয়া কেৱল পৰিনিতা শইকীয়া। ইতিমধ্যে পৰিনিতা শইকীয়াৰ বিৰুদ্ধে ধিং আৰক্ষী থানাত এজাহাৰ দাখিল কৰিছে দিপাংকৰৰ পৰিয়ালৰ লোকে।