আৰ মাধৱনৰ পু্ত্ৰৰ চমকপ্ৰদ সাফল্য! সাঁতোৰত ৰাষ্ট্ৰীয় জুনিয়ৰ অভিলেখ ভংগ বেদান্ত মাধৱনৰ

বেদান্তই ১৬:০১.৭৩ ছেকেণ্ডত নিজৰ লক্ষ্যত উপনীত হৈ ২০১৭ চনত তেওঁৰ সতীৰ্থ অদ্বৈত পেজে গঢ়ি থোৱা ১৬:০৬.৪৩ ছেকেণ্ডৰ অভিলেখ ভংগ কৰে। মহাৰাষ্ট্ৰক প্ৰতিনিধিত্ব কৰি বেদান্তই কৰ্ণাটকৰ অমোঘ আনন্দ ভেংকটেশক (১৬:২১.৯৮ ছেকেণ্ড) আৰু বংগৰ শুভ্ৰজিত গুপ্তক(১৬:৩৪.০৬) পৰাস্ত কৰি ক্ৰমে ৰূপ আৰু ব্ৰঞ্জৰ পদক লাভ কৰে। কৰ্ণাটকৰ হৰ্ষিকা ৰামচন্দ্ৰনে ৪০০ মিটাৰ ফ্ৰীষ্টাইল গ্ৰুপ ২ ছোৱালীৰ ৪:২৯.২৫ ছেকেণ্ডত নতুন মিট অভিলেখ গঢ়ে। বেদান্তই অংশগ্ৰহণ কৰা সাঁতোৰ প্ৰতিযোগিতাখনৰ ভিডিঅ’ শ্বেয়াৰ কৰিছে আৰ মাধৱনে। ১৫০০ মিটাৰ ফ্ৰীষ্টাইলত ৰাষ্ট্ৰীয় জুনিয়ৰ অভিলেখ ভংগ কৰা বাবে শুভেচ্ছা জনাই মাধৱনে নিজৰ টুইটত বেদান্তক টেগ কৰিছে। অনুৰাগীসকলে শুভেচ্ছা জনাই আৰ.মাধৱনৰ কমেণ্ট বক্স ভৰাই তুলিছে। এজন অনুৰাগীয়ে ক’লে, ‘‘বেদান্তক অভিনন্দন। এটা পৰিয়ালৰ বাবে এয়া গৌৰৱৰ সময়।’’ 

এজন ব্যৱহাৰকাৰীয়ে কয়, ‘‘সেইসকল অভিভাৱক ভাগ্যৱান যিসকল সন্তানৰ বাবেই চিনাকি হয়। আপুনি এজন উপযুক্ত অভিভাৱক।’’ আন এজনে লিখিছে, ‘আপোনাৰ দৰে আৰু অধিক অভিভাৱক বিচাৰি পাম বুলি আশা কৰিলোঁ, বিশেষকৈ চলচ্চিত্ৰ উদ্যোগৰ পৰা।’’ 

উল্লেখ্য যে চলিত বৰ্ষৰ এপ্ৰিল মাহত বেদান্ত মাধৱনে ডেনিছ অ’পেনত ৮০০ মিটাৰ ফ্ৰীষ্টাইলত সোণৰ পদক লাভ কৰিছিল। পুত্ৰৰ সাফল্যত আৰ মাধৱনে টুইট কৰি কয় ‘‘বেদান্ত মাধৱনৰ সফলতাৰ বাবে প্ৰদীপ ছাৰ (প্ৰশিক্ষক), ছুইমিং ফেডাৰেচন অৱ ইণ্ডিয়া সকলোকে আপোনালোকৰ অবিৰত আশীৰ্বাদৰ বাবে ধন্যবাদ জনাইছো।’’