ডিজিটেল ডেস্ক : আচাৰ্য চাণক্যই এনে বহু কথা কৈছে যিবোৰ যদি এজন ব্যক্তিয়ে নিজৰ জীৱনত গ্ৰহণ কৰে তেতিয়া কোনেও তাৰ প্ৰগতি ৰোধ কৰিব নোৱাৰে। জীৱনত সফল হ’ব বিচাৰিলে এজন ব্যক্তিৰ কি কি গুণ থকা উচিত সেই বিষয়েও আচাৰ্য চাণক্যই নিজৰ নীতিত প্ৰকাশ কৰিছে।
আচাৰ্য চাণক্যই কৈছে যে যেনেকৈ সোণক ঘঁহি, গৰম আৰু কাটি সুন্দৰ গহনা তৈয়াৰ কৰা হয়, ঠিক তেনেদৰে এজন সফল লোকৰ কিছু বিশেষ গুণ থাকে যিবোৰ তেওঁৰ পৰিচয় আৰু তেওঁক জীৱনত বৃহৎ সফলতা লাভ কৰাত সহায় কৰে।
আচৰণ : আচাৰ্য চাণক্যই কৈছে যে যিজন ব্যক্তিৰ আচৰণ ভাল, তেওঁৰ প্ৰগতিত কোনেও বাধা প্ৰদান কৰিব নোৱাৰে। এনে ব্যক্তিয়ে নিজৰ আচৰণেৰে সকলোৰে হৃদয় জয় কৰিব পাৰে। অফিচেই হওক বা ঘৰেই হওক, এনে ব্যক্তিয়ে প্ৰয়োজন সাপেক্ষে সদায় সন্মান আৰু সহায় লাভ কৰে। ভাল আচৰণ থকা ব্যক্তিৰ ভাল অভ্যাসে জীৱনত সফলতা লাভ কৰাত সহায় কৰে।
কঠোৰ পৰিশ্ৰম : আচাৰ্য চাণক্যই কৈছে যে যি ব্যক্তিয়ে কঠোৰ পৰিশ্ৰমত ব্ৰতী থাকে তেওঁ জীৱনত বহু সফলতা লাভ কৰে। কঠোৰ পৰিশ্ৰমৰ পৰা আঁতৰি থকা ব্যক্তিজনে সদায় বিফলতাৰ সন্মুখীন হয়। কিন্তু কঠোৰ পৰিশ্ৰম কৰা ব্যক্তিয়ে কেতিয়াও বিফলতাৰ মুখ দেখিবলগা নহয়।
ইতিবাচক চিন্তাধাৰা : আচাৰ্য চাণক্যৰ মতে জীৱনত ইতিবাচক চিন্তাধাৰা থকাটো অতি প্ৰয়োজন। সদায় নেতিবাচক চিন্তা কৰা ব্যক্তিয়ে সকলোতে দোষ বিচাৰি পায়। যিকোনো সিদ্ধান্ত ল’বলৈ তেওঁ ভয় কৰে। সদায় নেতিবাচক চিন্তা কৰা ব্যক্তিয়ে কেতিয়াও আগবাঢ়িব নোৱাৰে। সেয়েহে এজন ব্যক্তিয়ে জীৱনত সফলতা লাভ কৰিব হ'লে ইতিবাচক চিন্তাৰ খুবেই প্ৰয়োজন।
লক্ষ্য : আচাৰ্য চাণক্যৰ মতে জীৱনত লক্ষ্য নিৰ্ধাৰণ কৰা ব্যক্তিয়ে কেতিয়াও বিফলতাৰ সন্মুখীন নহয়। এনে ব্যক্তিয়ে নিজৰ লক্ষ্যত উপনীত হ’বলৈ অহৰহ চেষ্টা কৰে যাৰ বাবে তেওঁ নিশ্চিতভাৱে সফলতা লাভ কৰে।
