ডিজিটেল ডেস্কঃ পানী হৈছে প্ৰাণীৰ প্ৰাঁণ৷ কিন্তু সঠিক পদ্ধতিৰে পানী পান নকৰিলে দেহত নানা ৰোগে দেখা দিব পাৰে৷ বহুলোকৰ ক্ষেত্ৰত দেখা যায় যে খাদ্য খোৱাৰ ঠিক পিছতে বা খোৱাৰ লগে লগে পানী খায়৷ ইয়াৰ ফলত পেটৰ বিকাৰ হোৱাৰ আশংকা থাকে৷ কিছুমান লোকৰ অভ্যাস আছে যে তেওঁলোকে খোৱাৰ সময়ত খাদ্যতকৈ অধিক পানীহে খায়, এনেদৰে পানী খোৱাৰ খোৱাৰ ফলত পানীয়ে পাকস্থলী পূৰ্ণ কৰি পেলায়৷
ফলত সঠিক পৰিমাণৰ আহাৰ গ্ৰহণ কৰাত অসুবিধা আহি পৰিব পাৰে৷ আহাৰ খোৱাৰ ঠিক পিছতে অথবা আহাৰ খাই থকাৰ মাজতে পানী খাই থাকিলে পেটত অধিক পৰিমাণে গেষ্ট্ৰিক ৰস সৃষ্টি হোৱাত বাধা দিয়ে৷ খাদ্য খোৱাৰ লগে লগে খোৱা পানী খালে পেটত গেষ্ট্ৰিক ৰস নিৰ্গমনহোৱা মন্থৰ হৈ পৰে৷ গেষ্ট্ৰিক ৰসে খাদ্য হজম কৰাত সহায় কৰে৷ কিন্তু খাদ্য খোৱাৰ লগে লগে পানী খালে পাকস্থলীৰ ভিতৰত এচিড প্ৰস্তুৰ ভাৰসাম্য নোহোৱা হৈ পৰে৷ ইয়াৰ ফলত গেছ হ’ব পাৰে৷
আয়ুৰ্বেদিক বিশেষজ্ঞসকলৰ মতে খোৱাৰ সময়ত বা ঠিক পিছতে পানী খালে দেহত প্ৰায় ১০৩ প্ৰকাৰৰ ৰোগ হ’ব পাৰে৷ সেয়েহে খাদ্য খোৱাৰ সময়ত বাবে ঠিক পিছতে পানী পৰিহাৰ কৰিবলৈ চেষ্টা কৰক। আমি সকলোৱে জানো যে এটা ভাল আৰু স্বাস্থ্যৱান শৰীৰৰ বাবে পেট ভালে থকাটো অতি প্ৰয়োজনীয় কথা৷ কিয়নো আমাৰ গোটেই শৰীৰৰ কাম কৰাৰ শক্তি যোগোৱা মুখ্য যন্ত্ৰটোৱেই হৈছে পেট ৷
যদি পেট ভালে নাথাকে আমি কেনেকৈ স্বাস্থ্যৱান হৈ থাকিম? স্বাস্থ্য বিশেষজ্ঞসকলৰ মতে আহাৰ গ্ৰহণৰ প্ৰায় এঘণ্টা পিছতহে পানী খাব লাগে৷ এনে কৰিলে এচিডৰ মাত্ৰা সঠিক হৈ থাকিব আৰু খাদ্যও ভালদৰে হজম হ’ব৷
Continue Reading
